तितोपाटी – सरकारले सार्वजनिक सवारी साधन तथा आन्तरिक हवाइ उडान भाद्र महिनाभर बन्द गर्ने निर्णय गरेको छ । हिँजो (आइतबार) साँझ बसेको मन्त्रिपरिषद् बैठकले सो निर्णय गरेको हो ।
सरकारले अन्तर्राष्ट्रिय हवाइ उडान भाद्र १६ गते बाट सञ्चालन गर्ने निर्णय गरे पनि देश भित्र कोरोना महामारी बढेर समुदायमा फैलिएकोले आन्तरिक हवाइ उडान भाद्र महिनाभर सञ्चालन नगर्ने भएको हो ।
प्रधानमन्त्री निवास बालुवाटारमा बसेको बैठकले कोरोना महामारी बढेको निष्कर्ष निकाल्दै लामो दूरीका सवारी साधनहरु भाद्र मसान्त सम्मका लागि बन्द गरेको बताइएको छ भने आन्तरिक हवाइ उडान पनि भाद्र मसान्तसम्म सञ्चालन नगर्ने भएको छ ।
यस अगाडि भदौ १५ गतेबाट लामो तथा मध्यम दूरीका सार्वजनिक सवारी सञ्चालन गर्ने मन्त्रिपरिषद्ले निर्णय गरेको थियो ।
