भोग्नै पर्यो भावीले जो लेखेपछि निधारमा ।
पिडा दायी चिन्हहरू भेटेपछि निधारमा ।
किन यस्तो देख्छ हाम्रो समाजको आँखाले
अभागी हो भन्ने गर्छन् चोट देखेपछि निधारमा ।
आज भोली माहामारी बढेपछि कोरोनाको ।
दिन दिनै मृत्यु मिटर चढेपछि कोरोनाको ।
कस्तो बेला अायो मान्छे मान्छे सँग डराउने
चिन्ता झनै मनमा त्रास गढेपछि कोरोनाको ।
मौन किन भयौ नदी तालमा मिलाए सरि ।
गोधुलीमा रवि किरण नभमै बिलाए सरि ।
प्रतिशोधको ज्वाला माथि बनावटी हाँसो
काखमा राखी आफ्नै हातले बिष पिलाए सरि ।
