मेरो सानू मेरो धड्कन तिमी मेरो रानी ।
मुस्काएर मिठो बोल्ने सधै तिम्रो बानी ।।
हराइ दिने घरी घरी लुटु पुटु गर्ने ।
अङ्गालोमा बेर्ने अनि खुसुखुसु गर्ने ।।
सुम्सुमाउने जताततै टुलुटुलु हेर्दै ।
लजाउँदै घरीघरी लामो श्वास फेर्दै ।।
कति मिठो माया होला कति मिठो बोली ।
सम्झिराछु सानू मैले तिमीलाइ आजभोली ।।
पलपल तिम्रै याद आउँछ आँखा वरिपरि ।
तड्पाइदिन्छ जलाइदिन्छ मुटु घरीघरी ।।
-छबि राम सुनार “निर्दोष”
नवलपुर नेपाल हाल कुवेत
