गजल
तिमी सँगै बाँच्ने आशा मरे जस्तो लाग्छ ।
थाहै नदिई तिमीले घात गरे जस्तो लाग्छ ।।
पत्याउँदिनौ के भनेर सम्झाउँ तिमीलाई
मेरो मुटु बाट नै डेरा सरे जस्तो लाग्छ ।।
बेहोसी मै रहेछु म अब होस खुलेछ कि
नक्कलीको माया जालमा परे जस्तो लाग्छ ।।
एकोहोरो सोचि रहें मनमा किन किन
बसन्तमा फूल मुर्झाई झरे जस्तो लाग्छ ।।
मलाई पार्यौ मरेतुल्य तिमीले होस गर्नु
तिम्रो पापको घडा अब भरे जस्तो लाग्छ ।।
-राम भण्डारी
सिन्धुपाल्चाेक
हालः काठमाडाैं
