केहि मुक्तकहरू
(१)
दोषी म मात्र हैन आधा तिम्रो भाग बस्यो ।
मैंले खबर पाए जब हाँगोमा काग बस्यो ।
निष्ठुरी निर्णयले तिम्रो, म मरेतुल्य भएँ
कहिल्यै नमेटिने मेरो मनमा दाग बस्यो ।
(२)
मान्छे जन्मेर धर्तिमा एक निसान हुन्छ ।
नाम र दाम कल्पना गर्दै बिहान हुन्छ ।
बिचरा सुन्दर सपना बोकेर मन भरी
संघर्ष गर्दागर्दै एकदिन चिहान हुन्छ ।
(३)
धनि-गरिब भन्दैन यस्ले बराबर रिस पोख्दछ ।
यस्को रिसमा पर्दा समय कारुणिक भोग्दछ ।
कस्तो रोग होला लागेको थाहा पाउन पनि
हरेक दिनले छुट्टै अर्को १४ दिन खोज्दछ ।
(४)
छियाछिया हुन्छ बिरहले छाएको मन पनि ।
त्यस्तै त्यस्तै हुन्छ सलहले खाएको बन पनि ।
बिचार पुर्याउनु है अफन्तहरुले अनि सबै
टिक्दैन भ्रष्ट आचारले कमाएको धन पनि ।
-राम भण्डारी
