मुक्तक
१
माया रुपी एक प्याला पिएको मात्र हो ।
तिमी आउछौ कि इसारा दिएको मात्र हो ।
मेरो होस ठेगानमा छैन भन्ने सोचेको तर
कति छ मेरो माया परिक्षा लिएको मात्र हो ।
२
श्रम गरि नेपालमै घरको चुल्हो जल्थ्यो भने ।
भोक,रोग र शोक सबै ब्यबहार चल्थ्यो भने ।
किन प्यारो देश छाडि परदेशी हुइन्थ्यो र
घर मुनिको ठुलो रुखमा पैसा फल्थ्यो भने ।
३
दागले मुछिएको हैन स्वच्छ नाउँ भए पुग्छ ।
ईर्ष्या द्वेस बिना सुन्दर शान्त गाउँ भए पुग्छ ।
चाहिन्न मलाई विना श्रम कसैको कालो धन
मृत्यु पछि आफै बराबरको ठाउँ भए पुग्छ ।
४
कुनै घटाउँदा राम्रो भने कुनै थप्दा राम्रो ।
अझै उनीहरु भन्छन् हाम्रै नाम जप्दा राम्रो ।
सरकार यो बन्दाबन्दी बढेपनि घटाए पनि
भएजति पीडा सबै जनताले नै खप्दा राम्रो ?
-राम भण्डारी
