तितोपाटी – विश्वव्यापी महामारीको रूपमा विश्वलाइ नै हल्लाइरहेको कोभिड-19 नोवल कोरोना भाइरसको प्रकोपबाट नेपालमा पछिल्लो २४ घण्टामा थप १८० जनामा कोरोना संक्रमण पुष्टि भएको छ भने एकै दिन २६४ जनाले कोरोना जितेर डिश्चार्ज भएका छन् र थप एक जनाको मृत्यु भएको छ । याे सँगे कोरोना संक्रमण हुनेको कुल संख्या १५९६४ पुगेको छ भने नेपालका सतहत्तरै जिल्लामा कोरोनाभाइरस फैलिसकेको छ भने देशभरका अस्पताल तथा अाइसोलेसन सेन्टरमा मा ९११८ जना उपचाररत रहेका छन् ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार सोमबार अपरान्ह सम्म कुल ६८११ जना कोरोना संक्रमणबाट निको भएर घर फर्किएका छन् । त्यसै गरी बाग्लुङ जिल्ला निसीखोला – ३ का २९ वर्षीय पुरूषको मृत्यु भएको छ भने कोरोनाको कारण ज्यान गुमाउनेको संख्या ३५ पुगेको छ । हालसम्म देशभरका २५ वटा ल्याबबाट पोलिमरेज चेन रियाक्सन भनिने पीसीआर विधिबाट पछिल्लो २४ घण्टामा ४ हजार ७ साय २१ जनाको परीक्षण भएको छ भने क्वारेन्टाइनमा २९ हजार २ सय १५ जना रहेका छन् ।
विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म १ करोड १५ लाख ८४ हजार भन्दा बढि संक्रमित भइ ६५ लाख ५२ हजार भन्दा बढिले स्वास्थ्यलाभ गरिसकेका छन् भने ५ लाख ३७ हजार भन्दा बढिको ज्यान गइसकेको छ ।
