तितोपाटी – कोरोना भाइरसबाट विश्वभर संक्रमित हुनेको संख्या एक करोड नाघेको छ । त्यसै गरि ५ लाख भन्दा बढिको मृत्यु भइ सकेको छ भने स्वास्थ्योपचार पश्चत कोरोना जितेर घर फर्कनेको संख्या ५४ लाख ८२ हजार नाघेको छ । COVID-19 world meter मा देखाइएको तथ्यांक अनुसार उपरोक्त विवरण प्राप्त भएको हो ।
कोरोना संक्रमणबाट सबैभन्दा बढी प्रभावित अमेरिकामा अहिले सम्म २५ लाख ९६ भन्दा बढी संक्रमित भएका छन् । त्यस्तै अमेरिकामा १ लाख २८ हजारभन्दा बढीको मृत्यु भएको छ भने निको हुनेको संख्या १० लाख ८१ हजार भन्दा बढिले स्वास्थ्य लाभ गरेका छन् ।
दोश्रो नं. मा रहेको ब्राजिलमा करिब १३ लाख १५ हजार संक्रमित भएका छन् भने करिब ५७ हजारको मृत्यु भएको छ भने ७ लाख १५ हजारभन्दा बढी निको भएका छन् ।
त्यस्तै तेस्रो स्थानमा रहेको रुसमा संक्रमितको संख्या करिब ६ लाख ३४ हजार भन्दा बढी संक्रमित भएका छन् । रुसमा कोरोना संक्रमणबाट ९ हजार भन्दा बढीको मृत्यु भएको छ भने ३ लाख ९९ हजारभन्दा बढी निको भएका छन् ।
कोरोना भाइरसको संक्रमणको हिसाबले भारत अमेरिका, ब्राजिल र रुसपछि चौथो स्थानमा भारतमा ५ लाख ३० हजार भन्दा बढि सक्रमित भएका छन् । त्यहाँ कोरोना संक्रमणबाट मृत्यु हुनेको संख्या १६ हजार बाट उकालो लागेको छ भने कोरोना जित्नेको संख्या ३ लाख ११ हजार भन्दा बढि रहेको छ ।
विश्वका विभिन्न देशमा लकडाउन खुकुलो गरेसँगै कोरोना संक्रमण तीव्र रुपमा फैलिइरहेको छ । विश्व स्वास्थ्य संगठनले संक्रमण अझ बढ्न सक्ने चेतावनी दिँदै पूर्वसावधानी अपनाउन आग्रह गरेको छ ।
