मज्जाले खाऔँ
-राम भण्डारी
खाऔँ मज्जाले खाऔँ
ब्रेकफास्ट भनेर खाऔँ
बिहानै चियामा चोपेर खाऔँ वा
सिन्काले घोचेर खाऔँ
चाटेर खाऔँ, टोकेर खाऔँ वा
सिलौटोमा घोटेर खाऔँ
भात सँग खाऔँ
दाल नभएपनि तरकारीको साथ सँग खाऔँ
दोपहरमा भुटेर खाऔँ,
साँझ खोयाबिर्के सँग गफ चुटेर खाऔँ
खुट्टै टेक्न नसकि लडेर खाऔँ,
बिछ्यौनामा पडेर खाऔँ ।
बिना लगानी थुतेर खाऔँ
मागेर नदिए धुतेर खाऔँ
लाज लाग्दैन उठेर खाऔँ
खाने बित्तिकै फेरि चुठेर खाऔँ
बसेर खाऔँ, कसेर खाऔँ
जनता रोए पनि हाँसेर खाऔँ
देशको अर्थतन्त्र माथि सुतेर खाऔँ
हाँडीघोप्टे भई लुटेर खाऔँ
आमाको हड्डी फुकेर खाऔँ
७७ जिल्लाबाटै जुटेर खाऔँ
धोएर हैन पुछेर खाऔँ
हतार हतार गरेर मुछेर खाऔँ
समय धेरै छैन है!
कोच्चि कोच्चि खाऔँ
थैलो भरि डकारी छिट्टै बाटो लागौं ।
