तोयानाथ उपेक्षित, भारतले विश्वका विभिन्न देशमा खास गरी खाडी राष्ट्रमा रहेका आफ्ना नागरिकलाई मई महिनाको ७ तारिकबाट स्वदेश फर्काउने अभियानको शुरुवात गदैछ । पहिलो चरणमा १८ लाख भारतीय फिर्ता हुनेछन ।
स्वदेश फिर्तीका लागि ईन्डियन नेभीले यसको नेतृत्व लिदैछ । यस अघि सन १९९० मा कुवेतबाट भारतले १ लाख ७० हजार आफ्ना नागरिक एयर लिफ्ट गरेर भारत लगेको थियो । यसपटक आफ्ना नागरिकको उद्धारका लागि ४ वटा नेभी सीप र २ वटा ठुला टयांक लोड गर्ने पानी जहाज मंगलबार ईन्डियाबाट छुटेका छन जस मध्ये ३ वटा खाडी क्षेत्रका लागि र एउटा मालदिपका लागि भनिएको छ । यसरी नै ईन्डियन एयर फोर्स ले बोईङ समेत गरेर ३० वटा एयर क्राफ्ट को सञ्चालन गर्ने छ । एयर ईन्डियाका अनुसार बोईङ ७७७ र ७८७ लाई पनि विशेष गरी युरोप र अन्य आवश्यक गन्तव्यमा मई ७ बाट उडान गरिने भएको छ ।
त्यसरी पठाईने जहाजहरुमा आउन चाहानेहरुले भने अनिवार्य यात्रा शुल्क तिर्न पर्ने हुन्छ भने उनीहरुको स्वास्थ्य जाँच पनि गरिने छ । उद्धार भएर भारत पुगेका सवैले अनिवार्य १४ दिन क्वारेन्टाईनमा बस्न पर्ने शर्तमा मन्जुरी नगर्नेले यात्रा गर्न पाउने छैनन । आजै राती कुवेतबाट एउटा फ्लाईट भारत जादैछ । त्यसमा दुतावासमा आवेदन दिएर अग्रिम नामांकन भएका करिब २०० यात्रु रहने जनाईएको छ ।
भारतमा मार्च २५ बाट लक डाउन चालु छ । त्यहाँ कोभिड १९ को कारण ४६ हजार भन्दा धेरै संक्रमित छन भने १६०० सयले ज्यान गुमाईसकेका छन ।
