तितोपाटी- पछिल्लो समय नेपाली महिला श्रमिक घरेलु कामकादारका लागि कुवेत तस्करी हुने क्रम बढ्दो छ । अन्य देशको श्रम स्वीकृति निकालेर घरेलु महिला श्रमिक कुवेतका विभिन्न शहरमा घरेलु कामका लागि पुर्याउने गरिएको छ । तस्करले नेपालबाट व्यक्तिगत श्रम स्वीकृति निकालेर खाडीका देशमा घरेलु काममा नेपाली महिला लैजाने गरेको नयाँ तथ्य खुलेको छ ।
सरकारले २०७२ सालदेखि मलेसिया र खाडीका देशहरूमा वैदेशिक रोजगारीका लागि नेपाली महिलालाई पठाउन प्रतिबन्ध लगाएको थियो । अफ्रिकी देश अजरबैजानको व्यक्तिगत भिसा निकालेर कुवेतमा घरेलु कामका लागि नेपाली महिला तस्करी भइरहेको नयाँ रहस्य खुलेको हो । अन्य देशको रोजगारीमा पठाउने भनेर व्यक्तिगत भिसामा नेपाली महिलालाई कुवेतमा घरेलु कामका लागि तस्करले पुर्याइरहेका छन् ।
गत पुसयता अजरबैजानका लागि करिब १ सय ३७ जना महिलाका लागि व्यक्तिगत भिसामा वैदेशिक रोजगार विभागअन्तर्गतकाे श्रम कार्यालयले श्रम स्वीकृति जारी गरेको छ । अजरबैजानका लागि जारी गरिएको भिसामा नेपाली महिला श्रमिकलाई घरेलु कामका लागि कुवेत पुर्याइन्छ ।
वैशाख महिनायता करिब ५ सयभन्दा धेरै महिलाको व्यक्तिगत श्रम स्वीकृति श्रम कार्यालयबाट जारी भएको पाइएको छ । यसरी व्यक्तिगत भिसा निकालेका महिला प्राय: कुवेत र खाडीका अन्य देशसँगै मलेसिया पुर्याइने गरिएको हो ।यो खबर शिलापत्रमा रमेश भारतीले लेखेका छन
