तितोपाटी – कुवेतमा फेरी अर्को एक जना नेपाली कामदारकाे मृत्यु भएको छ । कुवेतको मङ्गाफमा आज एक जना नेपालीको मृत्यु भएको हाे । म्याग्दी जिल्ला बेनी नगरपालिका – ९ घर भएका कुल बहादुर चोखालको सुतेकै कोठामा मृत्यु भएको बताइएको छ तर के कारणले मृत्यु भएको भनी पुष्टि भने भएको छैन ।
मृतक कुल बहादुरकाे शवलाइ प्रहरीले पोस्टमार्टमको लागि लिएर जाने तयारी गरेको तितोपाटीलाई जानकारी प्राप्त भएको छ ।
उनी हिस्को कम्पनिमा रोजगारीको शिलसिलामा झण्डै ३ वर्ष पहिले कुवेत आएका थिए । बिगत १४ महिना देखि अबैधानिक भइ काम गर्दै आएका थिए । कुल बहादुरकाे मृत्युको बारेमा नेपाली राजदूतावास कुवेतमा सोधनी गर्दा दूतावासकी द्वित्तिय सचिव जानकी ओझाले नेपाली कामदारको मृत्यु बारे प्रारम्भिक जानकारी प्राप्त भएको बताउँदै अन्य कागजात र जानकारी प्राप्त भएपछि आवश्यक प्रकृया पुरा गरी शब नेपाल पठाउने ब्यवस्था गरिने बताइन् ।
