तितोपाटी – प्रवासलाइ कर्मभूमि बनाएका सुमधुर आवाजका धनि गायक रोशन हाङखिम राइको पुर्वेली लोकलयको “पुवा खोला देउमाइ खोला” बोलको गीत केहि दिन अघि युटुब मार्फत सार्वजनिक भएको छ । प्रवासी इलामेली सेवा समाज कुवेतको प्रस्तुतिमा बिआर हाउस नामक युटुब च्यानल मार्फत सार्वजनिक भएको उक्त म्यूजिक भिडियोमा पुर्वको रानी भनेर चिनिने इलाम जिल्लालाइ चिनाउने र इलामका धार्मिक, ऐतिहासिक, पर्यटकीय स्थलहरूको छायांकन गरिएको छ ।
प्रवासबाट सामाजिक र मानविय सेवाका कार्यमा हातेमालो गर्दै अघि बढेको प्रवासी इलामेली सेवा समाज कुवेत गठन गर्न मुख्य खम्बाको रूपमा कार्य गरेका गायकको आफ्नै शब्द, लय र संगीत रहेको उक्त गीतमा शब्द, संगीत र दृष्यको अत्यन्तै मिठो संयोजन गरिएको छ । प्रवासी इलामेली सेवा समाज कुवेतका अध्यक्ष समेत रहेका लय, संगीत र गायनका त्रिवेणी राइले पर्यटकिय जिल्ला इलामलाइ विश्वभर चिनाउन यस भिडियो मार्फत राम्रो प्रयाश गरेका छन् ।
गायक राइसँग युगल गायनमा गायिका सुनिता थेगिमले साथ दिएकी छन् भने म्युजिक एरेन्जमन्ट बलराम समालले गरेको यो म्यूजिक भिडियो शिखर प्रोडक्सन हाउस, इलामले तयार गरेको हो । एक्सन स्टुडियो काठमाण्डाैंका सुवास कुथुमी राइको रेकर्ड तथा मदन र रिताको अभिनयमा सजिएको यो भिडियो हेर्दा दर्शकलाइ स्वयं इलाम पुगेको महशुष हुन्छ ।
भिडियो हेर्नको लागि तलको लिंक क्लिक गर्नुहोसः
