तितोपाटी – गायक रमेश कार्कीको “ओइ ओइ भनेर” बोलको पप आधुनिक प्रेमरसले भरिपुर्ण गीतको म्यूजिक भिडियो युटुब मार्फत बजारमा आएको छ । गायकको उक्त गीतको म्यूजिक भिडियो ओएसआर डिजिटल युटुब च्यानलमार्फत गत हप्ता मात्रै सार्वजनिक भएको हो ।
गायक कार्कीको उक्त गीतको म्यूजिक भिडियोमा नायिका तथा मोडल आँचल शर्मा र सरोज मोक्तानको अभिनय रहेको छ भने अभिनय मार्फत दुबै कलाकारले गीतलाइ न्याय दिलाएका छन् । म्यूजिक भिडियोको निर्देशन राजिब समरले गरेका छन् ।
शब्द, संगीत र एरेन्जमन्ट बबुल गिरीले गरेको उक्त भिडियो साउण्डमिल स्टुडियोका रेकर्डिष्ट फुर्वा तामाङले रेकर्ड गरेका हुन भने सरस्वती श्रेष्ठको निर्माण र विवेक सुनारको दृष्य सम्पादनमा बनेको उक्त भिडियो महेश्वर मान राजभण्डारीले मिक्सिङ गरेका हुन् ।
म्यूजिक भिडियो हेर्नको लागि तल क्लिक गर्नुहोलाः
