Sunday 1st June 2025

‘दाल भात तरकारी’ को ५१ दिन : आँचललाई आइफोन, प्राविधिकलाई बोनस


तितोपाटी – यो वर्षको पहिलो हिट सिनेमा ‘दाल भात तरकारी’ निर्माण टिमले आइतबार ५१ औं दिनको सेलिब्रेसन गरेको छ । बैशाख २० गतेबाट रिलिज भएको सिनेमाले राजधानीका तीन सिंगल स्क्रिन गोपीकृष्ण, अष्टनारायण र गुण हलमा ५१ दिन मनाएको हो ।

ललितपुरमा आयोजना भएको ५१ दिने सेलिब्रेसन कार्यक्रममा सिनेमाको निर्माण टिमले प्राविधिकहरुलाई प्रमाणपत्र र बोनस वितरण गरेको थियो । कमै मात्र सिनेमाले सफलतामा प्राविधिकहरुलाई बोनस वितरण गरेको पाइन्छ । उक्त कार्यक्रममा सिनेमा निर्माणमा आवद्ध सम्पूर्ण टिमलाई पनि प्रमाणपत्र वितरण गरिएको थियो ।यस्तै, कार्यक्रममा सिनेमाकी मुख्य अभिनेत्री आँचल शर्मालाई भने निर्माण टिमले आइफोनको नयाँ भर्सन उपहारमा दिइयो ।

सिनेमाका निर्माता किरण केसीले आँचलले ‘दाल भात तरकारी’ले ५१ दिन मनाएको खण्डमा आफूलाई उपहारमा आइफोन दिनुपर्छ भनेकाले दिएको बताए । सिनेमालाई सुदन केसीले निर्देशन गरेका हुन् यो उनको डेव्यु सिनेमा हो ।सिनेमामा मदनकृष्ण श्रेष्ठ, हरिवंश आचार्य, निरुता सिंह, पुष्प खड्का, आँचल शर्मा, वर्षा राउत, किरण केसी, बसुन्धरा भुषाल, राजाराम पौडेल, विल्सन विक्रम राई, शिशिर वाङ्देल लगायतका कलाकारको मुख्य भूमिका रहेको छ ।

सिनेमाको ५१ दिनको सलिब्रेसन कार्यक्रममा सिनेमाका मुख्य कलाकारको साथमा अभिनेता भूवन केसी, अभिनेत्री करिश्मा मानन्धर, निर्मल शर्मा, प्रदीप भट्टराई, रमेश उप्रेती लगायत पनि पुगेका थिए ।


सम्बन्धित शीर्षकहरु

गत वर्ष, जब अन्तरिक्ष यात्री सुनिता विलियम्स र बुच विल्मोर बोइङ स्टारलाइनर क्याप्सुलको सहयोगमा अन्तर्राष्ट्रिय अन्तरिक्ष स्टेशन (ISS) पुगेका थिए,…

कमला देवकोटा - एक पटक गधाको दुई छोरा( पाजी) जन्मे। बढ्दै गएपछि एक जमिन्दारकहाँ पुगेछ, अर्को चाहिँ किसान कहाँ। किसानकोमा…

फ्रान्सेली अदालतले एक सेवानिवृत्त सर्जनलाई लगभग ३०० पीडितहरूलाई बलात्कार वा यौन दुर्व्यवहार गरेको आरोपमा २० वर्षको जेल सजाय सुनाएको छ,…

प्रतिकृयाहरू
...