तितोपाटी डट कम– कुवेतमा दिन-प्रतिदिन अत्याधिक गर्मी बढ्दै गईरहेका कारण कुवेतको जनशक्तिको लागि सार्वजनिक प्राधिकरण (The Public Authority for Manpower (PAM)ले एक सुचना प्रकाशित गर्दै खुल्ला क्षेत्रमा काम गर्ने कामदारहरुको सुरक्षाका लागि जुन-१ देखी अगष्ट ३१ तारिक सम्म बिहान ११ बजे देखी बेलुकी ५ बजे सम्म खुल्ला स्थानहरुमा काम नगर्न-नगराउन निर्देशन दिएको छ।
PAMले सम्पूर्ण रोजगार दाताहरुलाई यो नियमलाई पालना गर्न अनुरोध गर्दै नियम कार्यान्वयन भए नभएको निगरानीको लागि निरिक्षण टोली खटाइने र कार्यान्वयन नगरिए कारबाही समेत गरिने बताएको छ।
कुवेतको अनलाइन न्यूज अरब टाइम्समा जनाइए अनुसार श्रम सम्बन्धी कानुन २०१० को दफा -६ अनुसार हरेक बर्ष अत्याधिक गर्मीको कारण बिहान ११ बजे देखी दिउसो ५ बजे सम्म खुल्ला क्षेत्रहरूमा काम गर्न-गराउन पाईन्न।अन्तरास्ट्रिय श्रमिक सुरक्षाको नियमले पनि अत्याधिक गर्मिका समयमा कामदारहरुको सुरक्षाका कारण देखाउदै जुन-१ देखी अगष्ट ३१ सम्म यसरी बाहिर काम नगर्न-नगराउन निर्देश गरेको छ।
फोटो साभार-अरबटाइम्स
