तितोपाटी – श्रीलंकाको राजधानी कोलम्बोमा दिउँसो पुन: बम बिस्फोट भएको छ । आइतबार बिहान ३ वटा चर्च र ३ वटा होटलमा श्रृंखलावद्ध बम बिस्फोट भएसँगै १४० जनाको ज्यान गएको छ भने राजधानी कोलम्बोस्थित राष्ट्रिय चिडियाघर नजिक देहीवाल भन्ने स्थानमा रहेको होटलमा अर्को बिस्फोट भएको हो ।
उक्त स्थानमा पनि केही हताहत भएको स्थानीय संचार माध्यमले जनाएको छ। दिउँसो पुन: विस्फोट भएपछि राजधानमी कोलम्बोमा अनिश्चितकालिन कर्फ्यू आदेश जारी गरिएको छ। साथै सरकारले प्रमुख सामाजिक सञ्जालको प्रयोगमा समेत रोक लगाएको छ ।
श्रीलंकाको राजधानी कोलम्बोमा भएका छुट्टाछुट्टै बिस्फोटमा परी ज्यान गुमाउनेको संख्या १ सय ४० पुगेको छ। ३ गिरिजाघर र ३ वटै पाँचतारे होटलमा भएको आक्रमणमा परेर ४ सय बढी घाइते भएको समाचार संस्था रोयटर्सले जनाएको छ।
कोलम्बो नेसनल अस्पतालका निर्देशकका अनुसार ‘आइतवार बिहानै भएको आक्रमणमा हालसम्म १ सय ४० को मृत्यु भइसकेको छ। घाइतेहरुलाई अस्पताल पुर्याइएको छ।’ स्थानीय समय अनुसार बिहान ८ बजेर ४५ मिनेटमा आक्रमण भएको थियो।
