हरि कृष्ण न्यौपाने – २ बर्ष देखी कुवेतको अलनासर कम्पनीमा कार्यरत लम्किचुहा नगरपालिका-५ कैलालीका गोबिन्द परियारको निधन भएको छ। गत ९ फेब्रुअरी २०१९ शनिबारका दिन हृदयघातका कारण गोबिन्दको निधन भएको हो ।
दलित एकता संजाल कुवेतका अध्यक्ष रमेश नेपालीले तितोपाटी डटकमलाई दिएको जानकारी अनुसार गोबिन्दलाई कम्पनीको क्याम्प कुवेतको ओफ्रामा आफू सुतेकै ओछ्यानमा मृत फेला पारिएको थियो। ८ तारिख शुक्रवार राति सदा झैँ खाना खाएर सुतेका ३१ बर्षिय गोबिन्द बिहान काममा जान साथीहरुले उठाउँदा ओछ्यानमै मृत भेटिएका हुन।
यसै बिच नेपाली राजदूतावास कुवेतका द्वित्तिय सचिब ज्ञान बहादुर मगरले क़ानुनी प्रकृया पुरा गरी मृतकको कम्पनि र परिवारसंग समन्वय गरि शबलाई पठाउन प्रकृया थालि सकेको तितोपाटी डट कमलाई बताए। मगरले भने” मृत्युको कारणबारे पूर्ण जानकारी आई नसकेको भए पनि कम्पनिले शब पठाउन लाग्ने खर्च तथा मृतकले कम्पनीबाट पाउन बाँक़ी रकम समेत दूतावासमा बुझाइ सकेको छ।”
