तीतोपाटी-वैदेशिक रोजगारीको सिलसिलामा करिब दुई बर्ष पहिले मलेसिया आएका सोलुखुम्बु वाकु ६ रोचमका हर्कजङ्ग खालिङको गत शुक्रबार राति मृत्यु भएको छ ।
मलकाको सुङ्गाइ कोलाबारु मजिस्थानामजिस्थानामा रहेको केल्विन कम्पनीमा कार्यरत उनी कम्पनीको सवारी चालकको सहयोगीका रूपमा सामान सम्बन्धित स्थानमा पुर्याउन गएका थिए । जाँदै गर्दा बाटोमा सवारी दुर्घटना हुँदा गम्भीर घाइते भएका उनको शुक्रबार राती हस्पिटलमा उपचारका क्रममा निधन भएको छ ।
मृतकको शव हाल पोस्टमार्टमको लागि सेरेम्बान हस्पिटलमा राखिएको छ भने कम्पनीले क्वालालम्पुर स्थित नेपाली दूतावाससँग सहकार्य गरेर आवश्यक प्रक्रिया पुरा गरि शव नेपाल पठाउने तयारी गरि रहेको मृतकका भाइ दानकुबिर खालिङ राईले जानकारी दिएका छन ।
हर्कसँगै सवार सवारी चालक पनि गम्भीर घाइते भएको र हात गोडा टुट्नुको साथै गहिरो चोट लागेको कम्पनी श्रोतले जानकारी दिएको छ ।
