तितोपाटी – सामाजिक सन्जाल फेसबुक ग्रुप बाट संचालित Mr.Handsome VS Miss.Beautiful Room Reloaded (MHvsMB) ग्रुपले माघे संक्रान्तिको अवसर पारेर काठमाडौं लाजिम्पाट स्थित ” The Hope Hermitage” आश्रम मा पुगी उक्त अाश्रममा अाश्रय लिइरहेका वृद्धवृद्धाहरूलाई खानपिन गराउनु को साथै न्यानो कपडा वितरण गरेकाे छ । उक्त आश्रममा १९ जना वृद्धवृद्धा बस्दै अाएका छन् । सो कुराको जानकारी उक्त समुहका सदस्य अभिनव शर्माले तितोपाटी डट कम लाई सो कुराको जानकारी गराएका छन् ।
अाफैले जन्माएका सन्तानले नै कतिपय वृद्धवृद्धाहरूलाई वास्ता नगर्दा बुढेसकालमा वृद्धाश्रममा दिनचर्य गुजार्न वृद्धवृद्धाहरू वाध्य भैरहेको अहिलेको असस्थामा Mr.Handsome VS Miss.Beautiful Room Reloaded (MHvsMB) ग्रुपले भने वृद्धवृद्धाहरूलाइ खाना र न्यानो कपडाहरू वितरण गरेर उदाहरणिय सामाजिक कार्य गरेको छ ।
सहयोग वितरण कार्यक्रममा उक्त फेसबुक ग्रुपका प्रमुख सन्तोष सिलवालको साथै ग्रुपका एडमिनहरू मुना बुढाथोकी , प्रबिना ढुँगाना , बिनिता धिताल साथै सल्लाहकार प्रतिछा निरौला, अमिर छेत्री लगायत एक्टिभ मेम्बरको सहभागितामा रहेको थियो ।
कार्यक्रम मा बोल्दै एडमिन प्रबिना ढुंगानाले आमा बुबा भनेको जन्म र कर्म को लागि भगवान हुन भन्दै हामी ले भगवान खोज्न टाढा जानै पर्दैन । हाम्रै घर मा आमा बुबालाइ हेरे पुग्छ भन्दै वेसहारा बनेका वृद्धवृद्धाहरूलाई सहयोग गर्न पाउनु अाफ्नो समुहको लागि खुशीको कुरा भएकी बताएकी थिइन् ।
वृद्धवृद्धाहरूलाई सहयोग गर्ने अभियानमा सहयोग सन्तोष सिलवाल , सृजना खत्री , केशब भट्टराई खुस्बु आचार्य ले अार्थिक सहयोग गरेका थिए । “सकारात्मक सोच समाज परिवर्तन को पाटो , समाज सेवा र मनोरञ्जन हाम्रो बाटो ” मुल नारा रहेको उक्त ग्रुप ले बिभिन्न सामाजिक कार्यहरू गर्दै आइरहेको छ । यस अघि ब्रोनम्यारो क्यान्सर पिडित अन्जु रहपाललाई पनि आर्थिक सहयोग गरेको थियो।आगामी दिनमा पनि येस्तै सामाजिक काम साथै मनोरञ्जनात्मक कार्यक्रमहरू पनि गर्दै जाने उक्त ग्रुपले जनाएको छ।
