फलित ज्योतिष – रामप्रसाद सिटाैला
मेष
आफ्नाका लागि गरिएको प्रयत्न अर्थहीन सावित हुने सम्भावना छ । आर्थिक कारोबारका क्रममा हैरानी तथा दौडधूप हुन सक्छ । रोकिएका काम बलबुता प्रयोग गर्न सके सुस्त गतिमा सम्पन्न हुनेछन् । परोपकारमा रुचि बढ्नेछ । साताको अन्त्यमा भोजभतेरमा सहभागी भइनेछ ।
वृष
अपेक्षा गरेजस्तो अवसर प्राप्त गर्न नीलो रंगको पहिरन उत्तम सावित हुनेछ । उपल्लो दर्जाका व्यक्तिहरूको दबाबमा गरिएको कार्यले मन खल्लो बनाउनेछ । बुधबारपछिका दिन अनुकूल नै हुनेछन् । प्रेमको गाँठो कसिन सक्छ । दिगो आम्दानी हुने मार्ग पहिल्याउन केही समय कुर्नुपर्ने हुन्छ ।
मिथुन
आकस्मिक अवसर तथा लाभ प्राप्त हुने सम्भावना छ । मेहनत एवं लगनशीलताले प्रतिष्ठा दिलाउनेछ । विदेशमा भ…एका मित्रहरूले विश्वास गर्ने वातावरण बन्दैछ । धैर्यधारण गरे कार्य सम्पन्न गर्न सकिनेछ । चिसो वातावरणमा मनोरञ्जन गर्दा स्वास्थ्यको ख्याल गर्नु होला ।
कर्कट
परिस्थिति अनुकूल हुँदाहुँदै पनि अपजस आइलाग्न सक्छ, जसले तपाईंको कार्यक्षमता वृद्धि गर्न सहयोग नै गर्नेछ । मझौला किसिमका व्यवसायमा लगानी गर्ने प्रस्ताव प्राप्त हुनसक्छ, निर्णय गर्न ढिलाइ नगर्नुहोला । साताको अन्त्यमा पाहुनाहरूसँग भलाकुसारी तथा खानपान गर्दै समय व्यतीत गर्न पाइनेछ ।
सिंह
सहपाठी मित्रले अन्तर्मनको कुरा व्यक्त गर्न सक्छन् । अभिभावकहरूले दिएका मार्गदर्शन पालन गर्दा प्रशंसासहित आर्थिक लाभ प्राप्त हुनेछ । कार्य क्षेत्रका अवरोधहरू स्वत: निर्मूल हुनेछन् । लाभदायक यात्राको सम्भावनालाई नकार्न सकिँदैन । जमघटहरूमा रमाउँदा स्वास्थ्यको ख्याल राख्नुहोला ।
कन्या
सामाजिक क्षेत्रमा कीर्तिमानी कार्य गरी लोकप्रियता आर्जन गरिनेछ । दुई आत्माबीचको सुन्दर सम्बन्ध निकै अगाडि बढिसकेको अवस्था छ । ठूलाबडासँगको प्रत्यक्ष भेटघाटले योजनाहरू सहज रूपमा सम्पन्न गर्न सहयोग पुर्याउनेछ । आर्थिक लेनदेनबाट टाढै रहनु उत्तम हुन्छ ।
तुला
मेहनतले जीवनशैलीलाई थप उचाइमा पुर्याउनेछ । कुरा काट्नेहरू तपाईंको भैतिक सुख–साधनको समेत चियोचर्चा गर्न पछि पर्ने छैनन् । असहज परिस्थितिबाट उम्कन थप धन खर्च गर्नुपर्ने हुनसक्छ । प्रेमी–प्रेमिकाबाट नसोचेको सहयोग प्राप्त हुँदा समस्याको गाँठो स्वत: फुक्नेछ ।
वृश्चिक
आर्थिक प्रलोभन देखाउनेहरूबाट सावधान रहनुहोला । रचनात्मक कार्यले अरूको मन सजिलै जित्न सक्नेछ । इँटा रंगको पहिरनले अपेक्षा गरेजस्तै नतिजा दिलाउनेछ । कार्य क्षेत्रमा प्रतिस्पर्धाको सामना गर्नुपर्नेछ । आर्थिक संकटका बीच पनि कार्य सम्पन्न भएरै छाड्नेछ ।
धनु
नयाँ रोजगारीको क्षेत्रमा अपेक्षाकृत परिणाम हात पर्नेछ । सामाजिक सञ्जालबाट मन पराएको प्रस्ताव आउन सक्छ, समय लिएर निर्णय गर्दा सुरक्षित भइनेछ । अभिभावकको सुझावले उन्नतिको मार्ग पहिल्याउन सहज बनाउनेछ । खान पानको समय तालिका फेरबदल हुँदा स्वास्थ्य समस्याले सताउन सक्छ ।
मकर
मन मिल्ने साथीहरूको आलोचना तथा सुझाव स्वीकार गर्दा विशेष फाइदा हुनेछ । निजी तथा सरकारी क्षेत्रमा गरिएको परिश्रमले सकारात्मक परिणाम आनन्द दिनेछ । विदेशमा अध्ययन गर्न खोज्दा बजेटभन्दा बढी खर्च हुनसक्छ । तपाईंको प्रतिभाले उचित स्थान पाउनेछ ।
कुम्भ
अपरिचित व्यक्तिहरूको कुरामा भर पर्नुपूर्व तथ्य कुरा पत्ता लगाउने प्रयत्न गर्नुहोला । विशिष्ट व्यक्तिहरूको प्रेरणाले समस्या सुल्झाउन सहयोग पुर्याउनेछ । अरूको विश्वासमा पर्दा आफ्नो गोप्य सूचना बाहिरिन सक्छ । मेहनतले राम्रै अवसर प्रदान गर्नेछ । यो साता पश्चिमतर्फको यात्रामा सफल भइनेछ ।
मीन
प्रेमी–प्रेमिकाको सहयोगले व्यवसाय उचाइमा पुग्नेछ । शुभ तथा मांगलिक कार्यमा धन खर्च गर्नुपर्ने हुन सक्छ । राजनीतिक तथा सामाजिक कुरामा कम बोल्नु नै उपयुक्त हुन्छ । पेटसम्बन्धी समस्याले सताए पनि मंगलबारदेखि क्रमिक रूपमा स्वास्थ्यमा सुधार आउनेछ । साताको अन्त्यमा भ्रमणमा सहभागी भइनेछ ।
