तितोपाटी – छोराछोरीको भविष्य, आफ्नो सुन्दर संसार सजाउन भन्दै श्रीमान र साना छोराछोरीलार्इ छोडेर कुबेत अाएकी करिब २८ वर्षीया कविता परियार अहिले आफै बेसहारा भएकी छन् ।
ऋण खोजेर घरेलु कामदारको रूपमा कुबेत अाएकी उनलाई काम गरेको घरमा तीन महिनासम्म पनि तलब नदिएपछि उनी बेखर्ची भइन् । त्यस माथि उनलाई त्यहाँ थाहा नभएको रोग लाग्यो । अचानक नाक र मुखवाट ह्वालह्वाल्ती रगत बग्ने समस्याबाट कवित ग्रस्त बनिन । एकै छिनमा राम्रै भएकी कबिता केही बेरमै रगताम्य भएर इन्तु न चिन्तु हुन थालिन्।
६ महिना कुबेत बसेर पनि एक पैसा हातमा नभएपछि उनी अरु संग सहयोग लिएर उनी नेपाल फर्कन सफल भर्इन । उनी काठमाण्डु त अोर्लिइन तर उनी कोहलपुर स्थित घर भने जान सक्दिनन् । एक त उनी खाली हात नेपाल फर्केकी छन् । दोस्रो उनका श्रीमानले अर्काे विवाह गरेका छन् । उनका दुई छोराछोरी पनि श्रीमानको कब्जामा छन् ।
श्रीमानले कबितालाई घर आउनु पर्दैन भनेर धम्की दिएका कारण उनी घर जान सकेकी छैनन् । अस्वस्थ्य शरिर र मनभरी पीडा बोकेर काठमाडौंमा भौतारिएकी कबिताले एक संचारकर्मी भेटिन् । उनले आफ्नो सबै पीडा ति संचारकर्मीलाई बताइन् । अहिले उनको नर्भिक अस्पतालमा उपचार सुरु भएको छ ।
कुवेतवाट काठमाडौं आएको ८ दिन सम्म सडकमै भौतारिकएकी उनको उपचार सुरु त भएको छ । तर उनीसंग न कोही आफन्त छन् न त उनीसंग उपचार गराउने पैसा । त्यसैले उनले यो भिडियो मार्फत सहयोगको अपिल गरेकी छन् ।
हेर्नुहोस भिडियोः
साभार – लाइटनेपाल
