फलित ज्योतिष – राम प्रसाद सिटाैला
मेष
पैतृक सम्पत्ति उपयोग गर्न सके थप फाइदा होला । प्रेम सम्बन्धमा सावधानी अपनाउनुपर्ने समय छ । पारिवारिक खिचातानीले प्राप्त उपलब्धि पनि ओझेलमा पर्न सक्छ । स्वास्थ्यको ख्याल गर्नुहोला । सूर्यको आराधनाले विशेष लाभ प्रदान गर्नेछ ।
वृष
साथीभाइले साना तथा मझौला किसिमका व्यवसायमा लगानी गर्ने प्रस्ताव राख्न सक्छन् । विशेष जमघटमा उपस्थित हुँदा आगन्तुकहरूको नजर तपार्इंमाथि नै पर्नेछ । अनुकूल परिस्थिति हुँदाहँुदै पनि अपजस आइलाग्न सक्छ, जसले तपाईंमा थप निखार ल्याउला । साताको अन्त्यमा पाहुनाहरूसँग मनोरञ्जनमा सहभागी हुन पाइनेछ ।
मिथुन
व्यवसायले परिश्रम तथा लगानीअनुरूपको परिणाम नदिन सक्छ । भविष्यको चिन्ताले सताउला । नसासम्बन्धी समस्याले मानसिक तनाव उत्पन्न गराए पनि सोमबारपछिका दिनमा क्रमिक सुधार आउनेछ । सामाजिक उत्सवमा सरिक हुँदा समय तथा खानपानप्रति सचेत हुनुपर्नेछ ।
कर्कट
बोलीको प्रभावका कारण अधुरा कार्यहरू पूरा हुनेछन् । व्यवहारिक विषयमा खर्च बढ्न सक्छ । साझेदारीमा व्यवसाय सञ्चालन गर्ने योग देखिन्छ । आफ्नो कलाकौशलप्रति रुचि राख्ने साथीभाइ बढ्नेछन् । चियोचर्चा गर्नेहरूबाट सावधानी अपनाउनुहोला । बिहीबारपछिका दिनमा स्वास्थ्यमा गडबडी देखा पर्न सक्छ ।
सिंह
आफ्नो भलो चाहनेहरूको सहयोगमा समय खर्चिनुपर्ला । शुभचिन्तकहरूले विभिन्न जिम्मेवारी सुम्पनेछन् । सामाजिक हैसियत कायम राख्न बाहिरी गफगाफबाट टाढै रहनुहोला । सुनौलो रंगलाई प्राथमिता दिए साता प्रेरणदायी सावित हुनेछ । सप्ताहान्तमा यात्राकोसाइत जुर्नुका साथै धेरैको भलाइ हुने काम गर्न सकिनेछ ।
कन्या
अवसरको खोजीका क्रममा विदेश यात्रा हुने सम्भावना नजिकिँदै छ । सहयोगीहरूले दिएको सुझाव मनन गरी चल्न सके आफैंलाई फाइदा पुग्नेछ । प्रेमिका उपयुक्त मुहूर्तको पर्खाइमा छिन् । निर्णय गर्न ढिलाइ नगर्नुहोला । साताको अन्त्यमा घरायसी व्यवहारमा समय खर्चिनुपर्ने हुन सक्छ ।
तुला
वैचारिक मतभेदका बीच अभिभावकहरूबाट सहयोग पाइनेछ । सभा–सम्मेलनमा उच्चपदस्थ व्यक्तिहरूसँग परिचित हँुदै महत्वपुर्ण जिम्मेवारी प्राप्त हुन सक्छ । टाढा रहेका मित्रहरूबाट आर्थिक सहयोग तथा सुझाव प्राप्त होला । रोकिएको अध्ययनले निरन्तरता पाउनेछ । पहेंलो रंगको प्रयोगले अनपेक्षित परिणाम दिलाउन सक्छ ।
वृश्चिक
कठोर परिश्रम गर्नुपर्ने समय छ । दिन–प्रतिदिन नजिकिँदो अवसर तथा चुनौतीलाई परास्त गर्न थप समय दिनुपर्ने हुन्छ । प्रात: ब्रह्म मुहूर्तमा उठी ईश्वर स्मरण तथा योग गरे मानसिक तनाव एवं थकान निर्मूल हुनेछ । अभिभावकहरूको रायमुताबिक चल्न सके समस्याबाट मुक्त रहन सकिएला ।
धनु
आफूमाथि दोष थुपार्नेहरू प्रशंसा गर्न थाल्नेछन् । कार्यव्यस्तताले गर्दा परिवारका सदस्यहरूसँग खटपट सिर्जना हुन सक्छ, जसलाई निर्मूल गर्न घर–परिवारलाई समय दिनुहोला । आम्दानी राम्रै भए पनि खर्चले पिरोल्न सक्छ । प्रेम प्रस्ताव राख्नेहरूसँग सचेत रहनुमै आफ्नो कल्याण छ ।
मकर
विपक्षीको छलकपट तथा जालझेलबाट सावधान रहनुपर्नेछ । आर्थिक उपलब्धि हात पर्ने योग छ । तपार्इंको आत्मविश्वासले व्यवसायलाई नयाँ उचाइमा पुर्याउला । कार्यव्यस्तताका कारण घर–परिवारमा किचलो उत्पन्न हुन सक्छ जसलाई निराकरण गर्न परिवारमा समय खर्चनुपर्ला ।सवारी साधन चलाउँदा होस पुर्याउनुपर्नेछ ।
कुम्भ
खर्च गरेअनुरूप भविष्यको जग बसिसकेको अवस्था छ । पैतृक धन उपयोग गरी नयाँ व्यवसाय सञ्चालन गर्दा राम्रै मुनाफा आर्जन गर्न सकिनेछ । प्रेमिकाको आग्रहलाई स्वीकार गर्दै नयाँ स्थानको भ्रमण हुनसक्छ । घरायसी कार्यमा खर्च गर्दा कन्जुसी नगर्नु नै आफ्नो हितमा छ ।
मीन
नयाँ अवसरको खोजीमा हुनुहुन्छ भने केही दौडधूप गर्नुपर्ने हुन सक्छ । आ–आफ्नो स्तर तथा हैसियतमुताबिक थप मेहनतगर्दा नै भविष्य सुनिश्चित हुनेछ । विदेश जाने प्रयत्न सफल तुल्याउन केही समय कुर्नुपर्ला । खराब आचरण तथा संगतबाट टाढा रहनुमै आफ्नो कल्याण छ ।
