फलित ज्योतिष – रामप्रसाद सिटाैला
मेष
अध्ययनको सिलसिलामा विदेश यात्रा हुनसक्छ । भ्रमणका क्रममा नातेदारहरूसित भेट होला । मनोरञ्जनका क्रममा खर्चले पिरोल्नेछ । व्यवसायिक क्षेत्रमा सुधार आउला । धातुको कारोबार लाभदायक देखिन्छ । पहेलो रंग प्रयोग गर्न सके बोलीको प्रभाव बढ्नेछ । परोपकार तथा दान पूण्यले मानसिक शान्ति प्रदान गर्नेछ ।
वृष
सफलता हात पार्न थप मेहनतको आवश्यकता छ । प्रेमी–प्रेमिकाबीचको योजना ओझेलमा पर्न सक्छ । अभिभावकको सुझाव आत्मसात् गर्दा आर्थिक क्षतिबाट उम्कन सकिनेछ । अर्काको देखासिकी गरी पहँुच तथा क्षमताले नभ्याउने काममा समय खर्चंदा पछि परिएला । कालो रंगका सवारी साधन चलाउँदा संयम अपनाउनुहोला ।
मिथुन
सामूहिक लगानीबाट भनेजस्तो मुनाफा पाइनेछैन । अवसरको खोजी गर्दै विदेश यात्रा गरिने सम्भावना छ । जटिल समस्याहरू सुल्झाउँदै धेरैको प्रशंसा बटुल्न सकिनेछ । अनुशासन तथा मर्यादा पालन नगर्दा विवाद निम्तिने खतरा छ । साताको अन्त्यतिर प्रेम प्रस्ताव प्राप्त हुन सक्छ ।
कर्कट
अवरोध खडा गर्नेहरू सक्रिय भए पनि हिम्मतका साथ काममा जुट्नुहोला । प्रतिस्पर्धीहरूलाई उछिन्दै विशेष उपलब्धि हात पार्न सकिनेछ । राम्रै आम्दानी हुने रोजगारी प्राप्त होला । अरूलाई वचन दिँदा अप्ठ्यारोमा परिएला । अभिभावकहरूसँग वैचारीक द्वन्द्व हुनेछ । सप्ताहन्तमा लक्ष्य प्राप्त गर्न सकिनेछ ।
सिंह
अवसरका लागि शक्तिशाली व्यक्तिहरूसँग प्रतिस्पर्धा हुन सक्छ । बुद्धिको सहायताले अधिकार एवं प्रतिष्ठा जोगाउन सकिनेछ । परिवारजनको भावनाप्रति वेवास्ता गर्दा समस्या देखा पर्नेछ । गल्ती सच्याउने प्रयत्नले गुमेको प्रतिष्ठा दिलाउनेछ । टाढिएका आफन्तहरू नजिकिनेछन् । मन एकाग्र रहनुका साथै अध्ययनमा प्रगति हुनेछ ।
कन्या
पाहुनासँग रमाउँदै विशेष परिकारको आनन्द लिन पाइनेछ । पहिरनमार्फत अरूको मन लोभ्याउन सकिनेछ । दिगो लगानीले गतिलो आम्दानी दिनेछ । रोकिएका काममा पुन: प्रयत्न गर्दा सफलता हात पर्नेछ । विपक्षीले स–साना त्रुटि औंल्याउन सक्छन् । साताको अन्त्यतिर फजुल खर्चले पिरोल्नेछ ।
तुला
संयमताका साथ निर्णय गर्नु उचित हुुन्छ । राम्रा अवसर एवं शुभ समाचारले सातालाई अनुकूल बनाउनेछ । अभिभावकको वचन परिर्वतनले मनमा चोट पुग्न सक्छ । मन परिवर्तन भै महत्वपूर्ण भेटघाटमा लाग्ने प्रेरणा प्राप्त हुनेछ । स–साना झमेला भने आइलागिरहनेछन् ।
वृश्चिक
दुविधापूर्ण मनस्थितिमा गरिएका कार्यमा अपजसको भागी हुनुपर्ला । सरोकार नभएका विषयमा ध्यान नदिनु नै उचित हुन्छ । गोप्य सूचनाहरू बाहिरिनाले मर्यादामा आँच आउन सक्छ । प्रेममा अविश्वास उत्पन्न होला । फजुल खर्च हुने सम्भावना छ । परिस्थितिको हेक्का राखी चुनौतीलाई अवसरका रूपमा शिरोधार्य गर्नुमै आफ्नो भलो छ ।
धनु
नयाँ क्षेत्रमा पद बहाल गर्ने अवसर प्राप्त हुन सक्छ । प्राप्त अवसरले थप मेहनतको अपेक्षा गरेको छ । जीवनशैलीमा परिर्वतन ल्याउनुपर्ने बाध्यता सिर्जना हुनेछ । पूण्य आर्जनमा समेत समय खर्च गर्नुपर्ने अवस्था छ । पहेंलो रंगले कार्य सम्पन्न गर्न ऊर्जा प्रदान गर्नेछ । खानपानमा विशेष ध्यान दिनुहोला ।
मकर
धेरैको मन जित्न सकिनेछ । पहिलेका समस्या सुल्झाएर परिस्थिति अनुकूल बनाउन सकिनेछ । आध्यात्मिक ज्ञान प्राप्त गर्ने अवसर जुट्न सक्छ । आम्दानीको दिगो स्रोत फेला पर्नुका साथै सवारी साधनसमेत जुटाउन सकिनेछ ।सञ्चित धन खर्च भै आर्थिक संकट निम्तिने कुरा अस्वीकार गर्न सकिँदैन ।
कुम्भ
हतारमा गरिएको कामले उल्टो परिणाम दिन सक्छ, धैर्यतालाई महत्व दिनुहोला । प्रतिस्पर्धामा सफलता हात पर्नेछ । अचानक प्रेम प्रस्ताव प्राप्त हुनसक्छ, परिस्थितिअनुरूप निर्णय गर्नुहोला । सेतो रंगको प्रयोगले बढी फाइदा दिलाउनेछ । मंगलबारपछि महत्वपूर्ण काम सम्पन्न हुनेछन् ।
मीन
परिस्थितिअनुसार अघि बढ्नुहोला । दैनिक कार्यहरू ओझेलमा पर्न सक्छन्, त्यसमा तदारूकताको आवश्यकता पर्नेछ । साथीहरूले आर्थिक सहयोगको अपेक्षा गरेका छन् । साताको अन्त्यमा विशिष्ट व्यक्तिहरूसँगको भेटघाटमा नौला कुरा सिक्ने अवसर जुट्नेछ । पहेंलो वस्त्रको प्रयोगले उन्नतिको मार्ग पहिल्याउन सहज बनाउनेछ ।
