Wednesday 18th July 2018

अमेरिकामा कन्दरा ब्याण्डको कन्सर्टले दर्शक ततायो


तितोपाटी – पोखराको लोकप्रिय सांगीतिक ब्याण्ड ‘कन्दरा’ ले अमेरिकाको पहिलो भ्रमणमा डिसीमा बेजोड प्रस्तुति गरेका छन् । लामो समयसम्म प्रतिक्षामा रहेका उक्त संगीत मण्डलीका प्रसंशक तथा दर्शकहरुले मुख्य गायक बिबेक श्रेष्ठको प्रस्तुतिमा उत्साहित र मनोरंजन लिदै दर्शकहरु झुमेका थिए ।

अमेरिकाको डिसी महानगर क्षेत्रमा कन्दराको पहिलो प्रस्तुति रहेको हो । सम्मेलनपछि अमेरिकाको टेक्सस, क्यालिफोर्निया राज्यमासमेत कन्दराको सांगीतिक कार्यक्रम हुने छ भने अन्य राज्यहरुमा समेत कुरा चलि रहेको आयोजकले बताएका छन् ।

डिसी महानगर क्षेत्रमा गत जुन २९ तारिख देखि जुलाई १ सम्म भै रहेको तेश्रो नेप्लिज अमेरिकन कन्भेन्सन (सम्मेलन)को उद्घाटन अमेरिकाका लागि नेपाली राजदुत अर्जुनकुमार कार्की (विद्यावारिधि) ले गरेका थिए ।

कन्दरा ब्याण्डले नेप्लिज अमेरिकन कन्भेन्सन (सम्मेलन)को आग्रहलाई स्वीकार गरि सहभागिता जनाएको हो । कन्दरा ब्याण्डको यो पूर्ण रुपमा सांगीतिक कार्यक्रम नभइ सम्मेलनमा हुने बिबिध कार्यक्रम मध्ये साँस्कृतिक कार्यक्रममा सहभागिता जनाएको छ।

गत जुन ३० तारिखका दिन सम्पन्न सांस्कृतिक सांझ कार्यक्रममा न्यु योर्कबाट आएका संजोक योञ्जनले आफ्नो गीत बाट कार्यक्रम सुरु गरे पछि प्याराडाइज तथा मोक्ष मन्त्र संगीत मण्डलीले आफ्ना केही गीतहरु प्रस्तुति गरेका थिए ।

कन्दराले आफ्ना गीतहरु प्रस्तुत गर्नुको साथै नृत्य गर्ने शैलीका भन सोल्टी बारम्बार ..’, ‘साचो प्रिती लाएकै थिए…’, ‘एक नाले बन्दुक दुई नाले बन्दुक मृगलाई ताकेको …..’, र ‘रेशम फिरिरी’ गीत गाएर मौलिक गायकहरुलाई समर्पित गरेका थिए ।

यसै गरी ‘लेककी हे माया’, ‘हङकङ पोखरा’, ‘तिमी पारी’, ‘तगारोमा रुमाल राखी’, ‘चञ्चले कान्छी’ आदि गीतहरु प्रस्तुत गरेका थिए ।


सम्बन्धित शीर्षकहरु

तितोपाटी - नेपालका प्राचीन संस्कृतिअनुरुप साउन १ गते साँझ घर घरमा लुतो फाल्ने प्रचलन छ । लुतो फाल्ने संस्कृतिले जेनतेन निरन्तरता…

तितोपाटी - सरकारले जेष्ठ पत्रकारहरुको जीवन निर्वाह भत्ताका लागि अक्षयकोष स्थापना गरेको छ । साथै सरकारले प्रेस काउन्सिललाई खारेज गर्ने…

तितोपाटी - नेपाली दलालले अमेरिका लैजान्छु भनी बिगत २२ महिनादेखि नाइजेरियामा बन्धक जस्तै बनाएर राखेका बाग्लुङका बिबिन्द्र श्रेष्ठ र जगन थापा…

प्रतिकृयाहरू