Friday 4th April 2025

ठमेलमा गुण्डागर्दी गर्दै हिड्ने दुई जना हतियारसहित पक्राउ


राजधानीको पर्यटकीय नगरी ठमेलमा गुण्डागर्दी गर्दै हिड्ने दुई जनालाई प्रहरीले हतियारसहित पक्राउ गरेको छ।

पक्राउ पर्नेमा काभ्रे झैटी देउराली ८ घर भई सीतापाइला बस्ने २६ वर्षीय देवकुमार थापा र धादिङ ज्वालामुखी ३ निवासीे २९ वर्षीय कमल गुरुङ रहेका छन्।

थापा राधे समूहको गुण्डा रहेको महानगरीय प्रहरी परिसर काठमाडौंले जनाएको छ। उनले आफूलाई ट्रेकिङ गाइड गर्ने र अमृत साइन्स क्याम्पसको क्यान्टिनमा काम गर्ने भनी बताउँदै आएका थिए।

त्यस्तै, गुरुङ देव कुमार थापाको समूहमा रही गुण्डागर्दी गर्दे हिड्ने गरेको खुलेको छ। उनले इच्छासिद्धी बालुवा प्रशोधन केन्द्रको सेयर होल्डर हुँ भनी बताउँदै आएका थिए।

पछिल्लो समय ठमेल र ज्याठा क्षेत्रमा केही अपरिचित गुण्डा जस्ता देखिने व्यक्तिहरुले होटल, रेष्टुरेन्ट तथा अन्य व्यवसायीहरुलाई डर त्रास देखाई रकम असुल्दै हिड्ने गरेको भन्ने गोप्य सूचना आएपछि परिसरले प्रहरी निरीक्षकको कमाण्डमा विशेष टोली खटाएको थियो।

उक्त टोलीले बुधबार राति शंकास्पद कालो झोला बोकी ठमेल, ज्याठाको गल्लीमा हिडिरहेको अवस्थामा थापा र गुरुङलाई नियन्त्रणमा लिई झोला चेकजाँच गर्दा १ थान रिवल्वर र खुकुरी फेला पारेको थियो। हतियार भेटिएपछि हतियारसहित पक्राउ गरी अनुसन्धान भइरहेको परिसरले जनाएको छ।


सम्बन्धित शीर्षकहरु

ज्याक्सन ओस्वाल्ट तपाईंको औसत १२ वर्षको केटा थिएनन्। जबकि उनको उमेरका धेरैजसो केटाकेटीहरू भिडियो गेम खेलिरहेका थिए वा बाइक चलाइरहेका…

प्रधानमन्त्री बेन्जामिन नेतान्याहूले आइतबार भने कि मन्त्रीहरूले हमासमाथि सैन्य दबाब बढाउन रातारात मतदान गरे, गाजा पट्टीमा राखिएका बन्धकहरूलाई मुक्त गर्न…

म्यानमारमा शुक्रबार ७.७ म्याग्निच्यूडको शक्तिशाली भूकम्प गएको छ भने भूकम्पमा परी मृत्यु हुनेको संख्या १६४४ पुगेको त्यहाँको सैनिक सरकारले जनाएको…

प्रतिकृयाहरू
...