तितोपाटी – विश्वकप नजिकिदै गर्दा हाम्रा कलाकर्मीलाई पनि यो माहोलले बिस्तारै छुन थालेको छ । उनीहरुले आफ्ना मनपर्ने खेलाडी र टिमको समर्थनमा जर्सी लगाएर फोटो खिचाउदै सामाजिक संजाल रंगाउने क्रम बढ्न थालेको छ ।
यही मसो पारेर गायिका तथा मोडल लक्ष्मी आचार्यले पनि आफुलाई अर्जेन्टिनाको समर्थनमा उक्त टिमको जर्सीमा बिभिन्न फोटो सुट गराएकी छन् । बच्चैदेखि खेलप्रेमी भएपनि खेलाडी बन्न नसकेको बताउने उनले नबिन के श्रेष्ठसँग जर्सीमा बिषेश फोटोसुट गरेकी हुन् । गायन र अभिनयसँगै खेलप्रेमी पनि हँु भनेर चिनाउने अभिप्रायले आफुले फोटो सुट गरेको उनले बताइन् ।
पछिल्लो समय गायिका लक्ष्मी आचार्य ‘मस्त जवानी..’ र ‘भिटामिन..’ गीतका कारणले चर्चामा छिन् । दर्शकश्रोताको जनजिब्रोमा झुन्डिन सफल यी गीतले उनलाई स्वदेशी तथा बिदेशी कार्यक्रममा समेत पुर्याएको छ ।
गायनको अलवा मोडलिङमा समेत क्रियाशील उनी आफ्ना प्रायः गीतको भिडियोमा आफै मोडलिङ गर्ने गर्दछिन् ।
मोतीनगर टिकापुर कैलालीकी आचार्यले बिगत ७ बर्षदेखि गायन र मोडलिङ एकसाथ अगाडी बढाउँदै आएकी हुन् । दोहोरी गायनबाट कलाक्षेत्र रोजेकी उनका ‘नजिक नजिक सछर्न्’, ‘तीन साल अमेरिका’, ‘यो मोरीको घैंटोमा कहिले घाम लाग्ने हो’ लगायतका दोहोरी गीत पनि चर्चामा छन् । सानैदेखि गीत गाउने आचार्य यसबर्षको विश्वकप अर्जेन्टिनाले जित्ने दाबी गर्छिन् ।
