तीतोपाटी, काठमाडौं- ओमानको स्वास्थ्य मन्त्रालयले सोमबार(डिसेम्बर-१३ तारिख) अन्य मुलुकको यात्रा गरी फर्किएका दुई नागरिकहरुमा कोभिड–१९को ओमिक्रोन भेरियन्ट भेटिएको जनाएको छ ।
संक्रमितहरुको स्वास्थ्य अवस्था स्थिर रहेको र थप इपिडिमियोलोजिकल अनुसन्धान भइरहेको स्वास्थ्य मन्त्रालयको विज्ञप्तिमा उल्लेख गरिएको छ ।
मन्त्रालयले मास्क लगाउने, सामाजिक दुरी कायम गर्ने, भीडभाड हुने ठाउँमा नजाने, हात सफा राख्ने जस्ता रोकथामका उपायहरूको पूर्ण पालना गर्न सबैलाई आग्रह गरेको छ ।
यसै गरी मन्त्रालयले नजिकको स्वास्थ्य संस्थामा गएर १८ वर्ष माथिको उमेर समुहका सबैलाई कोभिड-१९ खोपको बुस्टर डोज लगाउन अनुरोध गरेको छ ।
