रावणको यो राज्यमा रामको कुरा गर्दा ,
यहाँ पागल भँईदोरैछ कामको कुरा गर्दा ।
दुःख सुख साह्रो गाह्रो आपसी सङ्कटमा ,
सामाजिक सेवा धर्म नामको कुरा गर्दा ।
भ्रष्टाचार दुईनम्बरी कालो धनको बिरुद्धमा ,
पसिनाको कमाई त्यो दामको कुरा गर्दा ।
मै हुँ भन्ने जान्ने बुझ्ने नास्तिक र मूर्ख सामु ,
पूजा मेला व्रत तिर्थ धामको कुरा गर्दा ।
राष्ट्रियता देशभक्ति यो माटोको जगेर्नामा ,
एकता सद्भाव र कतै लामको कुरा गर्दा ।
टहल आचार्य
