तीतोपाटी – शीत काव्य समाज नेपाल बागमती प्रदेशको आयोजनामा पुस्तक हस्तान्तरण तथा शुभकामना आदान प्रदान कार्यक्रम सम्पन्न भएको छ । गत २०७८ साल असोज १६ गते सम्पन्न उक्त कार्यक्रम शान्ति समाज टोल गोंगबुमा सम्पन्न गरिएको थियो ।
बागमती प्रदेशका अध्यक्ष शीत ईश्वर कृष्णबहादुर के.सी. सापकोटाको सभापतित्वमा सम्पन्न उक्त कार्यक्रमको प्रमुख अतिथि डा. शैलेन्दुप्रकाश नेपाल र विशिष्ट अतिथिमा प्रा. डा. गार्गी शर्मा रहनुभएको थियो ।
शीत काव्य समाज नेपालका केन्द्रीय सचिव दामोदर ढकालले कार्यक्रमको प्रकृति बताएपछि कार्यक्रममा बाग्लो उपस्थित भएका साहित्यकारहरूले शुभकामना सहित शीत प्रस्तुत गरेका थिए । यो कार्यक्रम आजसम्मकै उत्कृष्ट कार्यक्रम भएको सहभागी साहित्यकारहरूले बताएका थिए । कार्यक्रम २ घन्टा चलेको थियो ।
