तीतोपाटी – शीत काव्य समाज पाल्पाको अध्यक्षमा कवयित्री इन्दिरा ज्ञवाली चयन हुनु भएको छ । शीत काव्य समाज नेपालको आयोजनामा पाल्पाको तानसेनमा भएको शीत कृति विमोचनको विशेष अवसरमा शीत काव्य समाज पाल्पाको गठन भएको घोषणा शीतका परिकल्पनाकार पुष्कर अथक रेग्मीले गरेका हुन् । समाजको उपाध्यक्षद्वयमा साहित्यकार गोविन्द खनाल र गुणवती के सी , सचिवमा सुशिल बस्याल र कोषाध्यक्षमा जानकी अधिकारी चयन भएका छन् ।
समाजका सदस्यहरूमा अायाम कार्की, सरिता रेग्मी , शोभा कडरिया , पशुपति प्रधान,अम्विका पाण्डे ,जमुना घिमिरे र कमल बस्याल रहेका छन् । सल्लाहकारहररूमा साहित्यकार कलाकार चित्रवलीराम सुवाल , नारायण प्रसाद शर्मा र रमा पन्त रहेका छन् भने संस्थागत सल्लाहकारमा चन्द्रकान्त न्यौपाने र प्रेस सल्लाहकारमा रामचन्द्र रायमाझीलाई मनोनयन गरिएको छ ।यसै गरी अाजको विशेष समारोहमा राष्ट्रिय प्रेस सल्लाहकारको रूपमा तितेपाटी डट कमका संचालक आनन्द आचार्यलाई समाजले मनोनयन गरेको छ ।
शीतका परिकल्पनाकार पुष्कर अथक रेग्मीको अध्यक्षतामा शीत काव्य समाज नेपाल गठन भएसंगै प्रदेश नं १ र बाग्मती प्रदेशमा प्रदेश समिति गठन भई शीतको प्रचारप्रसारमा लागिपरेका छन् । पाल्पा शीत काव्य समाज गठन हुने पहिलो जिल्ला भएको छ । शीतको जन्म पाल्पामै भएकोले यसको व्यापिकरणमा थप सहयोग पुग्नेछ । शीत काव्य समाज पाल्पाका सम्पूर्ण पदाधिकारीहरूलाई बधाई तथा शुभकामना ।
