१
दिन त केही सकिन धेरै थिए चाहना,
दिदी बहिनीलाई तिजको शुभकामना।
२
रमाइलो गर्नु होला खानु होला दर,
आउन मन लागेन र माईतिघर।
३
आएनन् कोही दिदी बहिनी भनी,
आमा रुँदै छिन् एक्लै पागल बनी।
४
दिदी बहिनीलाई खुसी दिन सकिन,
परदेशमै छु म अझै तिजको दिन।
५
के भो आज कस्ले गर्यो हेला,
दुःख पाए भन्छौ बेला बेला।
६
आमा भन्छिन् एक्लै कसरी खाउँ दर,
तेरी दिदी बहिनीको लाग्न छोड्यो भर।
७
दिदी बहिनी आउनु होला माईतिघर,
हजुरहरुलाई भेट्ने ठुलो छ रहर ।
८
जोगाउनुपर्छ होला हाम्रो संस्कृति,
दिदी बहिनी न ल्याउनु है विकृति।
९
घर भित्रै रमाउनु होला भएर भेला,
जताततै कोरोनाको नै चलेको बेला।
१०
आजभोलि मेरो मुटुमा भएको जलन,
दिदीलाई के दिउँ दाईजो दिने छ चलन।
✍️ जगत थापा, बझाङ्ग
::::: जय टुक्का ! जय साहित्य !! :::::
