१.
भेट हुने दिन कहिल्यै नआएर चेली रुँदैछिन् ।
आँखाबाट चौधारा आँसु बगाएर चेली रुँदैछिन् ।
यता तिज आएर नि नआए झैँ शून्य छ घर
उता आफ्नै माइत आउन नपाएर चेली रुँदैछिन्।
२.
नसोचेर दु:खका दिन हाँसेर नाच चेली ।
आफू’नि अरूले झैँ खुसी बाँडेर नाच चेली ।
अर्को साल रमाउन नपाइन पनि सक्छ
यसपाली मज्जाले कम्मर भाँचेर नाच चेली।
✍️हिमाल सापकोटा-बाग्लुङ
३.
टाढा भएँ बर्ष दिनमा एकफेर आएकी छु ।
दु:ख पीडा पीर मर्का भुलेर आएकी छु ।
दिए पनि मेरा बाबा त्यो बिरानो ठाउँमा
तिजको बेला दरखान सम्झेर आएकी छु।
४.
हाँसौं खेलौं साथी हो रमाएर मनाऔं ।
मनभित्रका डर त्रास भगाएर मनाऔं ।
बर्ष दिनको यो तिज तडकभडक नगरी
राम्रो सन्देश समाजमा जनाएर मनाऔं।
✍️बासु सापकोटा-दोलखा
५.
दु:ख बिर्सेर, टन्न खाएर चेली रमाउने हो ।
वर्ष दिनमा गीत गाएर चेली रमाउने हो ।
एक दुई दिन केलाई लिनु पिर र चिन्ता
आमा सङ्ग कुरा बताएर चेली रमाउने हो।
६.
ए दिदी आउनुस् तीजमा हाँसेर नै बस्ने हो ।
जे पर्छ , त्यही टर्छ भनी , आँटेर नै बस्ने हो ।
अर्को साल कुनै कारणले रोकिन पनि सक्छ
एकार्काका दु:ख अनि सुख बाँडेर नै बस्ने हो।
✍️प्रेम थापा “मन”-बागलुङ
७.
मनमा पिडा साँचेर तिज मनायौँ ।
भित्र दर्द बाहिर हाँसेर तिज मनायौँ ।
बाटो छेक्यो कोरोना र बाढीपहिरोले
आमाको याद दिलमा राखेर तिज मनायौँ।
८.
कति दिदीबहिनीलाई हँसाएर जान्छ तिज ।
निकै हर्ष र उमङ्ग सङ्गै नचाएर जान्छ तिज ।
जन्म दिने आमा बाबा गुमाएकी चेलीलाई
सम्झनामा सधैं मन रुवाएर जान्छ तिज।
✍️शोभा कडरिया कोइराला-पाल्पा
९.
शिरमा सिरफुल देखाएर पाउमा पाउजु देखाएर ।
धोको फेरि नाच्न मन छ माइती को आँगन आएर ।
आमाले पकाएको दर खाँदै यस पालि तिजमा
भर्दै मासको रिमिझिमे पानीमा रातो सारी उडाएर।
१०.
म आउन पाइन आमा चरी जस्तै उडेर ।
एक फन्को नाच्न मन थियो दुःख पीर भुलेर ।
यसपलि यस्तै भयो अर्को बर्ष भेटैला
एक छिन भानि बोलि सुन्छु आमा फोनै गरेर।
✍️निर्मला बडुवाल-सुर्खेत
११.
रातो सारी पाउको पाउँजु बजाएर मख्खैँ पारीन् ।
साथी सँगी आमा भाउजू जमाएर मख्खै पारीन् ।
पोहोर देखि नाच्न गाउन नपाएर होला
यसपाली त कम्मर भाच्दै गित गाएर मख्खै पारीन्।
१२.
आगनीमा बसेर रुँदै होलिन् मेरी चेली ।
माइती घरलाई सम्झेर रुँदै होलिन् मेरी चेली ।
गाउँघरमा तिज आउदा सबैतिर खुसि छाउदा
निधारमा हात राखेर रुँदै होलिन् मेरी चेली।
✍️खगेन्द्र दुधराज-संखुवासभा
१३.
मुटु हातमा लिएर हिन्नु पर्ने रहेछ शहरमा ।
कोही पसिना कोही इज्जत बेचेछ शहरमा ।
थाहाँ पाउँदा पनि मट्टीतेल ले सिध्याउँछ भन्ने
उ दुश्मन संगै डेरा बसाई सकेछ शहरमा।
१४.
रहेछ बिहेको सुपारी उन्कै हातमा थमाएर आएँ ।
देखेका सबै सपना सीसासरि फुटाएर आएँ ।
थाहा पाएँ पछि तिमी पराईकी भयौं भन्ने कुरा
आज भट्टीमा शरावलाई आफ्नो बनाएर आएँ।
✍️जीवन ढकाल-बाग्लुङ
१५.
सुतेर हैन् चेली उठेर अब ।
छुटेर हैन् चेली जुटेर अब ।
नारी हक-हितको गीतहरु
गाऊँ तीजमा एकफेर अब।
१६.
परिस्थिति जस्तो होस् रमाएर बस्नु पर्छ ।
चाढ-पर्व र रीतिथिति मनाएर बस्नु पर्छ ।
मितव्ययी बनी संस्कार-संस्कृति बचाउँदै
यत्र-तत्र सनातन धर्म फैलाएर बस्नु पर्छ।
✍️अरुण कुमार भुजेल-दार्जिलिङ
१७.
विगत भुली खुसी साटेर मनाउने हो तिज ।
खाइ पिइ गरी हाँसेर मनाउने हो तिज ।
भेटघाट हुँदा हर्षित छन् मेरा चेलीहरू
गीत गाइ बजाई नाचेर मनाउने हो तिज।
१८.
सभ्य संस्कृतिमा तडक भडक देखाएर हुन्न ।
बाबाको आँगन छोडी पार्टी प्यालेस धाएर हुन्न र
पर्व हो मीठो मसिनो खाउ रमाउ चेलीहरु
महिनौँ अघि देखि दरखाने बिकृति फैलाएर हुन्न।
✍️आई.पि. सापकोटा “ईश्वर”-नवलपुर
१९.
अहिलेको तीजमा कम्मर भाँचेर नाचन ।
मनका पिर चिन्ता सबै फ्याँकेर नाचन ।
काेराेनाले गर्दा सबै शोंक मग्न भएका
चेलीबेटी आफ्नो मन शान्त पारेर नाचन।
२०
फेरि अायाे घुम्दै फिर्दै,रमाएर तीजमा ।
दिदी बहिनी जम्मा भइ,दर खाएर तीजमा ।
माइत जान राेक्ने भयाे, कोभिड र पैराेले
तडकभडक नगरी ,मनाएर तीजमा।
✍️देवेन्द्र काेइराला-नवलपुर
