तीतोपाटी – उत्तरपूर्वी अमेरिकामा आएको बाढी र आँधीबेहरीबाट कम्तीमा १५ जनाको मृत्यु भएको बीबीसीले जनाएको छ । बुधबार रातीबाट बाढीको तान्डब भएपछि बिहीबार बिहान न्यूयोर्क र न्यूजर्सीमा आपतकालको घोषणा गरिएको छ ।
राष्ट्रपति जो बिडेनले एक “जलवायु संकट” को चेतावनी दिदैं र भन्यो कि अमेरिकाले भविष्यमा यस्तो अबस्था दोहोरिन नदिन अझ राम्रो संग तयार हुनु पर्छ भनेका छन् । न्यूयोर्क सिटीका मेयर बिल डी ब्लासियोले यसलाई एक ऐतिहासिक मौसमी घटना बताएका छन् ।
बाढीका कारण शहरको भूमिगत रेल सेवा बन्द गरिएको छ र बाटोमा सामान्य वाहनमा चल्न प्रतिबन्ध लगाइएको छ । घरबाट बाहिर निस्किएका मानिसहरू यातायात सेवा बन्द भएपछि हजाराैं मानिसहरू सडक, सबवे, माथिल्लो ग्राउण्ड रेल स्टेसनहरूमै रात बिताउन बाध्य भएका थिए । अझै पनि कतिपय मानिसहरू भूमिगत रेलमार्गमा फसेका भिडियो फुटेजहरू सार्वजनिक भएका छन् ।
न्यूयोर्क र न्यूजर्सीबाट थुप्रै विमान र ट्रेन स्थगित गरिएको छ । अमेरिकामा अचाजक परिवर्तित मौसमका लागि समुद्री आँधी इडा जिम्मेवार भएको बताइन्छ । यसको बाँकी भएको हिस्साले यस्तो असर देखाएको बताइन्छ ।
इडा आँधी अघिल्लो हप्ता अमेरिकाको दक्षिणी राज्य लुजियानामा आएको थियो । इडाको कारण विद्धुत र संचार सेवा नै विच्छेद भएको थियो भने यसले भारी विधवंश मच्चाएको थियो ।
