तीतोपाटी – कुवेतमा लागुऔषध नियन्त्रण विभागले सामुद्रिक मार्गबाट कुवेतमा लागु औषध तस्करी गर्ने दुइ एसियाली नागरिकलाइ पक्राउ गरेको छ । उनीहरूसँगबाट ठुलो परिमाणमा (१२५ केजी चरेस र २५० ग्राम मेथाम्फेटामाइन) लागु औषध बरामद गरिएको छ ।
कुवेतबाट प्रकाशित हुने अरब टाइम्समा हिँजो २२ अगष्टका दिन प्रकाशित समाचारका अनुसार छिमेकी देशबाट सामुद्रिक मार्ग प्रयोग गरि ल्याइएको लागुऔषध बरामद गरिएको हो । लागु औषध तस्करहरूले सामुद्रिक मार्गबाट ठुलो परिमाणमा लागुऔषध भित्र्याउँदै गरेको सूचना प्राप्त भएपछि कानुनी अनुमति लिएर कुवेतको तटरक्षक अधिकारीहरूको सहयोगमा सो लागु औषध सहित ओसारपसारमा संलग्न २ एसियाली नागरिकलाइ पक्राउ गरिएको हो ।
उनीहरूको साथबाट सामुद्रिक मार्गबाट आउँदै गरेको ४ वटा ठुला लगेजमा धेरै पोकाहरू बनाएर ल्याइएको १०५ किलो चरेस पक्राउ गरिएको हो भने उनीहरू बसेको घरमा खानतलासी गर्दा अरू २० किलो चरेस र २५० ग्राम मेथाम्फेटामाइन (शबु) फेला परिएको थियो ।
तस्कर दुवै जनाले आफ्नो अपराध स्वीकार गरि साविती भएकोले उनीहरूबाट बरामद गरिएको लागु औषध सहित कानूनी प्रकृयाको लागि सम्बन्धित निकायमा पठाइएको छ ।
Two Asians caught with 125 kgs of hashish and quarter kg of meth
