गजल
###
मुटुभरि सजाई राखे मेरो माया, आउँला कुनै दिन ।
गाडी चढी मिठा वात गर्दै घुम्न जाउँला कुनै दिन ।
सम्झी बसे यतै हेरे, पक्कै आउँछु म त एक दिन
दिव्य क्षण दुई मुटु एक हुन पाउँला कुनै दिन ।
दिन रात गगनभरि सयौं जहाज उड्छन् हेर कति
पर्खी बस दुःख सुख बाडी चुडी खाउँला कुनै दिन ।
भित्र बाहिर गर्दा पनि औंसी जस्तो रात हुन्छ किन
बेशी झरी माया प्रिती लाएका गीत गाउँला कुनै दिन ।
फोन गर वात गरी बसौं हिड्छु म त छैन धेरै दिन
एक होइन सयौं सयौं जुनी माया लाउँला कुनै दिन ।
इन्दिरा ज्ञवाली पौडेल
तानसेन पाल्पा
