गरिबले पनि त धितो दिन्छ सम्हाली राख ।
दुश्मनहरू मर्ने बेलामा चाहिन्छ सम्हाली राख ।
भनि राख्नु नै पर्दैन सबैजनाले बुझ्न सक्नुपर्छ,
होसियार!बैँसालु जोवन बहकिन्छ सम्हाली राख ।
कमी छैन यहाँ पराईको अँगालोमा बाँधिनेहरूको
के थाह मन हो कतिबेला बद्लिन्छ सम्हाली राख ।
मित्र! मतलबी दुनियाँको के कुरा गर्नु र यहाँ धेरै,
मनमा बसेको मान्छे पनि त टाढिन्छ सम्हाली राख ।
आफ्नो विचार आफैले गर्नुपर्छ स्वार्थी दुनियाँमा,
थाहै हुन्न कतिखेर इज्जत लुटिन्छ सम्हाली राख ।
✍हिउँकला हाँसी खतिवडा
कैलाली
