तितोपाटी – डोल्पामा १४ वर्षीया किशोरीलार्इ जवरजस्ती करणीको आरोपमा एक युवक पक्राउ परेका छन् । त्रिपूरा सुन्दरी नगरपालिका–७ पाहाडाकी १४ वर्षीया किशोरीलाई बलात्कार गरेको आरोपमा ती युवकलाई पक्राउ गरिएको जिल्ला प्रहरी कार्यालय डोल्पाले जानकारी दिएको छ ।
आइतवार राति उनलाई बलात्कार गर्न खोज्दा त्यही नगरपालिका–७ कै २५ वर्षीय जितबहादुर शाही राति नै पक्राउ परेको प्रहरी नायव उपरीक्षक हरिप्रसाद शर्माले जानकारी दिए । उनका अनुसार जवरजस्ती करणी ऐन अनुसार शाहीमाथि मुद्दा दर्ता भइसकेको बताए । जवरजस्ती करणी मुलुकी ऐन अनुसार कारवाही हुने डिएसपी शर्माले भने ।
पीडित किशोरीका आफन्तका अनुसार पहिले खानेकुरा दिएर फकाउँदा नमानेपछि बलात्कार गरेको बताएका छन् । आफन्त र पीडित किशोरीको जाहेरी अनुसार प्रहरीले पक्राउ गरेको जानकारी दिएको छ ।
