हरि कृष्ण न्यौपाने-साबिकको हत्पते-६, सिन्धुली घर भई कुवेतमा कार्यरत ४२ बर्षिय सम्पथ अधिकारीले आत्महत्या गरेका छन।उनले नोभेम्वर-७,२०२० शनिबारका दिन बेलुकी कुवेतको ७ बजे तिर कुवेतको महाबुल्ला स्थित कम्पनिकै आवास गृहमा झुन्डिएर आत्महत्या गरेका हुन।
कोसेली समुह कुवेतका सदस्य तथा मृतक संगै केही समय अघि सम्म काम गरेका मृतकका सहकर्मि माधब पौडेलका अनुसार करिव १० बर्ष देखि कुवेतको सुल्तान कम्पनी अन्तर्गतको सेक्युरिटी सेक्सन अन्तर्गत एसटिएसजी(STSG) मा काम गर्दै आएका अधिकारीले किन आत्महत्या गरे भन्ने बारे केही खुल्न सकेको छैन भने संबंधित निकायले कानुनी प्रक्रियाका लागि शब लगि सकेको छ।पौडेलले थपे”उनको परिवारहरु संग पनि सम्पर्क हुन सकेको छैन।”
यसै बिच नेपाली राजदूतावास कुवेतका दितिय सचिब श्रीकृष्ण सिलवालले भने ” अधिकारीले आत्महत्या गरेको बारे प्रारम्भिक जानकारी दूताबासमा आए पनि पूर्ण बिबरण भने आउन बाँकी छ।दूतावासले परिवार र कम्पनीसंग सम्पर्क गरि समन्वय गर्दै कानुनी प्रकृयाका लागि सहयोग गर्ने छ।”
