-राज श्रेष्ठ
हराभरा सम्बृद्ध रुख धमिराले टोकेर सकेको हो।
जनतालाई गरिबीले देशलाई कपुतले लुटेको हो।
म नेपाली हुँ भोक र दुःख सहने आदत छ मलाई,
सरकार, मेरो मन त तिम्रो बेवास्ताले दुखेको हो।
आमा, अन्तिम पलमा पनि तिम्रो मुहार हेर्न पाईन,
तिम्रो यो छोरा धापिदै सिमासम्म आईपुगेको हो।
हिजो सम्म उ गर्व गर्थ्यो म वीर गोर्खाली हुँ भनेर,
आज भोकबाट बच्न उसले आत्महत्या गरेको हो।
महोदय, सत्ताधारी र बलात्कारीमा के भिन्नता छ?
एउटाले आमा, अर्कोले छोरीलाई लुटेर हाँसेको हो।
हेटौंडा, नेपाल
हाल – कुवेत।
