कविताः कोरोना घाती

कस्तो रोग आयो कुन्नी, यो कोरोना घाती ।
न आफन्त भेट्न पाइने न त सङ्गी साथी ।।

घर देशमा रोइ रहन्छिन बलिन्धारा आमा
परदेशमा बिचल्ली छ पाको छैन काम ।।

देशमा नेता भ्रष्टाचारी कस्लाइ गर्नु भलो
पराइ जस्तै भएको छ जन्मिएको थलो ।।

सबै रोगले नजिक ल्याउन्थ्यो आफन्तलाइ भेट्न
कस्तो रोग आयो यो त जरै देखि मेट्न ।।

सचेत बनौ सबै जना आफ्नो ख्याल गरौ
परदेशीलाइ फर्काउ सरकार मरे सङ्गै मरौ ।।

तारा अर्याल
हाल-विरानो मुलुक