तितोपाटी- नेपाल कम्युनिस्ट पार्टी (नेकपा) को प्रदेश ५ का प्रमुख सचेतक रहेकका भूमेश्वर ढकालको निवासमा बम विस्फोट भएको छ । ढकाल परिवार घरमै सुतिरहेका बेला बिहीबार राति विष्फोट भएको हो । उनको घर नजिकै ३ वटा बम विष्फोट भएको प्रहरीले जनाएको छ । विष्फोटको समयमा ढकाल भने घरमा थिएनन् । उनी उपचारका लागि काठमाडौं आएका छन् ।
बम विष्फोट हुँदा उनले प्रयोग गर्दै आएको लु १ ज ४५६ नम्बरको कारमा क्षति भएको छ । विस्फोटबाट कारको पछाडिको भागमा सामान्य क्षति पुगेको छ । घरमा भने त्यति क्षति नभएको प्हरीले जनाएको छ । कोठालाई लक्षित गरी हानिएको बम विष्फोट नभएकाले धेरै क्षति नभएको प्रहरीको अनुमान छ ।
बाइक चढेर आएका ३ जना बम हानेर भागेको स्थानीयको भनाई रहेको प्रहरीले जनाएको छ । प्रहरीले बिष्फोटको घटनाबारे अनुसन्धान गरिरहेको इलाका प्रहरी कार्यालय, बुटवलका डीएसपी भीमलाल भट्टराईले जानकारी दिए ।
