तितोपाटी – भारत कै टप गायन रियालिटी शो सारेगमप लिटिल च्याम्पमा इटहरीका बाल गायक प्रितम आचार्य तेस्रो भएका छन् । जी टीभीको उक्त कार्यक्रम सरेगमापा लिल च्याप्म २०१९ को बिजेता भने १४ वर्षीय सुगन्धा बनेकी छन भने मुहम्मद फेज दोश्रो बनेका छन । फाइनलमा ६ जना पुगेका थिए । अर्का नेपाली बालक आयुष केसी भने चौथो भएका छन् ।
भारतमा आज भएको फाइनलमा प्रितम सेकेण्ड रनर अप भए भने अर्का नेपाली बाल गायक आयुष केसी भने चौथो भएका छन् । प्रितम र आयुषले अडिसन देखि नै उत्कृष्ट गित गाउदै फाइनल सम्मको यात्रा तय गरेका थिए । प्रितमले जितसंगै दुई लाख रुपैया भारूको चेक र ट्रफी पनि पाएका छन ।
०६५ जेठ १० मा जन्मिएका प्रितमले ४ वर्षको हुँदादेखि नै गीत गाउन थालेका थिए । कक्षा ६ मा अध्ययनरत उनी २०७३ मा नेपालमै भएको सुरशाला जुनियर आइडलमा दोस्रो भएका थिए ।
