नेपालले २०औँ एसियाली खेलकुदअन्तर्गत महिला भलिबल प्रतियोगितामा बुधबार घरेलु टोली जापानको सामना गर्दैछ। खेल नेपाली समयअनुसार दिउँसो ४ः०५ बजे जापानको आइचीस्थित कोमाकी सिटी स्पोर्ट्स पार्क जेनरल जिम्न्यासियममा हुनेछ।
लगातार दोस्रोपटक एसियाली खेलकुद खेलिरहेको नेपाल समूह ‘ए’ मा जापान र इन्डोनेसियासँग प्रतिस्पर्धा गर्दैछ। विश्व वरीयतामा जापान छैटौँ र नेपाल ६९औँ स्थानमा रहेकाले नेपाललाई बलियो चुनौती रहने अपेक्षा गरिएको छ।
नेपाली टोलीको कप्तानी निरुता ठगुन्नाले गर्नेछिन् भने प्रशिक्षक जगदीश भट्ट रहेका छन्। नेपालले प्रतियोगितामा राम्रो प्रदर्शन गर्ने लक्ष्य राखेको छ।
