फिलिपिन्समा ६.९ म्याग्निच्युडको शक्तिशाली भूकम्प गएको छ भने भूकम्पमा परि कम्तीमा २६ जनाको मृत्यु र लगभग १५० जना घाइते भएका छन्। मध्य फिलिपिन्स टापु प्रान्त सेबुको तटमा गएको ६.९ म्याग्निच्युडको शक्तिशाली भूकम्पमा परी भवनहरू भत्किएका, मानिसहरू सडकमा दौडिएका र केही क्षेत्रमा विद्युत आपूर्ति बन्द भएको छ ।
संयुक्त राज्य अमेरिकाको भूगर्भ सर्वेक्षणले मंगलबार (१३:५९ GMT) स्थानीय समय अनुसार राति ९:५९ बजे सेबु टापुको उत्तरी छेउमा करिब ९०,००० बासिन्दाहरू बसोबास गर्ने शहर बोगो नजिकै भूकम्प गएको र पहिलो भूकम्पपछि उक्त क्षेत्रमा ५ म्याग्निच्युड वा सोभन्दा माथिका चारवटा भूकम्प गएको बताएको छ।
प्रान्तमा ‘विपत्तिको अवस्था’ घोषणा गरिएको छ । बोगो शहर र अन्य प्रभावित शहरहरू र नगरपालिकाहरूले भूकम्पबाट भएको क्षतिको आकलन गर्दै ‘विपद्को अवस्था’ घोषणा गरेका हुन्।
