जेन जेड आन्दोलन ले ४८ घण्टा भित्र सवै कुरा ढालि दियो तर रबि लामिछाने ढलेन । पूर्व सरकारमा सामेल दलका नेता कार्यकर्ताहरुको मूल चिन्ता अहिले पनि यहि हो । देश ढलिसक्यो । उनीहरु स्वयम का घरहरु ढले, नढल्न पर्ने कयौ संरचनाहरु ढले ।
देश जलिरहेको थियो । जेल प्रशासन ले जिम्मा लिन रबि को पार्टी रास्वपा र उनको परिवारलाई बोलाई रहेको थियो तर रबि ले जेल मा आगो लगाई दियो । रबि जेलबाट भाग्यो । उसकै कारण देश भरीका सवै कैदी भागे । उसैका कारण सवै जेलहरु जले यस्तो भाष्य निर्माण मा एक थरी लागे र अझै त्यहि प्रकारको प्रचार गरिरहेका छन । यसले के देखाउछ भने रबि यो देशमा यीनीहरुका लागि सवै भन्दा खतरा हो । जेन जेड ले गरेको आन्दोलनलाई पनि रास्वपा को आन्दोलन बनाउन लागि परेका छन । यसले देखाएको कुरा के हो भने संविधान बच्यो तर आउने चुनावमा हामीलाई जनताले समर्थन यहि रबि का कारणले गर्ने छैनन भन्ने चिन्ता उनीहरुको हो । जेन जेड कुनै पार्टी होईन । सवै का घर घरमा यो पुस्ता छ । यसले चुनावमा कुनै भूमिका निभाउन सक्दैन यसर्थ अझै उनीहरुलाई भय छ त रास्वपा कै छ ।
एक थरी ले सानो स्वरमा दुर्गा प्रसाई को समुह लाई पनि दोष लगाउदैछन । केही ले राजावादीहरु पनि मिसिएको बताउछन । बालेन लाई जेन जेड को नेता हो पनि भनेका छन । तर यो के हो भनेर सरकारलाई किन थाहा भएन ? थाहा थियो भने किन समय मा नै रोक्न सकेन ? राज्य लाई यति कुराको समेत पूर्व जानकारी र त्यसलाई रोक्ने सामथ्र्य हुदैन भने त्यो सरकार कसले र कहाँ बाट चलाएको थियो भनेर प्रश्नहरु उठन थालेका छन ।
एकथरी मानिसहरु सेनाले अवस्थालाई कन्ट्रोल गर्न चाहेन भन्दैछन । अर्का थरी ले सेनाको हातखुटटा बाधेर राखिएको बताउछन । खैर जे होस यो घटनाले खुल्ला सिमाना हुनु र विदेशी खुफियाहरु नेपाल का सवै तहमा कर्मचारी वा नेताको भेषमा रहनु को परिणा हो । ईजरायल ले ईरानमा हमला गर्दा एक हजार भन्दा धेरै शत्रु देशका लागि जासुस गर्ने समात्यो र तुरुन्तै सयौ लाई मृत्युदण्ड दियो तर हाम्रो देशमा कुनै पनि घटनामा दोष विदेशी लाई दिईन्छ तर एउटा जासुस समातिदैन ।
सरकार बास्तबमा नै सरकार जस्तो नहुनु को परिणाम आज मुलुकले भोग्दैछ । सरकार सवैको हुन नसक्नु , व्याप्त दम्भले विरोध सुन्न नसक्नु , भ्रष्टचारले देश थिलथिलो हुन को पिडा मुलुक ले भोग्दैछ । यसको जिम्मा यी राजनैतिक दलहरु जो ३५ बर्ष देखि सत्तामा आलो पालो बसेका छन तिनले लिन पर्दैन ? अहाँ उनीहरु ले कहिल्यै चेत्ने छैनन । आन्दोलनका एक साता नवित्दै उनीहरुले जसरी टाउको उठाएका छन त्यसले देखाउछ यीनलाई सत्ता भएन भने बाँच्नै सक्ने छैनन । यीनिहरुलाई देशको बरबादी र जनताका छोरा छोरीको मृत्यु सँग कुनै मतलब छैन । आत्मा समिक्षा गर्ने , नेतृत्वले गरेका गल्तीहरुलाई उठाउने र व्याप्त असन्तुष्टि सम्बोधन गर्न तिर लाग्छौ नभनेर पख तलाई को शैलीमा जाग्न थाल्नु आफैमा विडम्बनापूर्ण छ । यीनले कहिल्यै चेत्ने छैनन ।
यस्तो लाग्छ यीनिहरुले आगामी चुनाव सहजै हुन दिने छैनन । आन्दोलन गरेर भए पनि शुशिला कार्कीको सरकारलाई अपदस्त गर्ने र संसद व्युताएर ओली देउवा को आलो पालो को निरन्तरता दिने जस्तो रणनिती बनाउने कसरत गर्ने छन । किनभने उनीहरु जनता माझ जान सक्दैनन । उनीहरुलाई ६ महिना भित्रै जनताले पत्याई हाल्ने अवस्था छैन । त्यसो हो भने अब फाईदा रास्वपा लाई हुने उनीहरु ले देखि सकेका छन ।
सत्ताको उन्माद मा जसरी एउटा मान्छेको पछि निरन्तर राज्यसत्ताको दुरुपयोग गरियो त्यो आक्रोश र निराशाले जेन जेड आन्दोलनमा बल पुरयाएन भन्न सकिन्दैन । देशभरी नै रबि प्रति बढदै गएको सहानुभूती र सरकारप्रतिको आक्रोश यो आन्दोलन मा मिसिएन भन्न सकिन्न तर रास्वपा ले व्याक्ति को घर जलाउने , सरकारी सम्पतीमा आगो लगाउने काम गरर्यो भन्ने थप अर्को मित्थ्या प्रचार र षडयन्त्रको निरन्तरता भन्दा अरु केही होईन । रास्वपा गुण्डाहरुको पार्टी होईन । त्यहाँ बौद्धिकताको भरपुर बीज छ । त्यहाँ उन्नत लोकतन्त्र को अभ्यास हुदै आएको छ । त्यहाँ राष्ट्रवादको जग छ । त्यहाँ विधी र थिती बसाउने उदघोष छ । त्यहाँ पुराना दलका जस्ता मासुभाते कार्यकर्ता छैनन । त्यहाँ कुनै पनि गुण्डा नायीके , टोले गुण्डाहरु को झुण्ड छैन । त्यहाँ भ्रष्टचारी पार्टीले जस्तो थुपारेको धन छैन । त्यहाँ बेईमान मानिसहरुको सञ्जाल छैन । यस्तो पार्टी ले न कहिल्यै आगजनी गर्दछ । न मान्छे मार्दै हिडछ । रगत को थोपा नबगाई क्रान्ति गर्ने भएका ले उसको अभियान लाई निलो क्रान्ति सँग जोडिएको हो । तैपनि सत्ताबाट सडक मा पछारिएका भ्यागुत्ताहरु सडक किनारामा टर्वार टवार्र गर्न छाडेका छैनन । मिडियामा भुसिया कुकुर झै भुक्न छाडेका छैनन ।
रास्वपा पार्टीमा आवद्ध नभएर नै लाखौ मानिसहरुले समर्थन गरिरहेका छन । ती चलायमान बौद्धिक युवा र सचेत नागरिकहरु भोली रास्वपा ले ठिक ढंगले काम गर्न सकेन भने रास्वपा रुंगेर झोले बनेर बस्ने छैनन । विश्वास को जगमा, आशा र भरोसा को अन्तिम विन्दु मानेर समर्थन गरिरहेका छन । त्यसलाई भत्काउनु भनेको झन ठुलो संकटमा मुलुक लाई पुरयाउनु हो । मुलुक मा प्रजातान्त्रिक धारको संवाहक बनेको रास्वपा लाई खुईल्याएर मुलुक लाई दिशाविहिन बनाउन कसैले पनि दुस्साहास गर्न हुदैन । बेलै मा सवैलाई सतबुद्धी पलाओस ।
