Sunday 3rd August 2025

गुलेली काव्य “लक्ष्य” को तानसेन पाल्पामा लोकार्पण


नारायण कोइराला – गुलेली काव्य “लक्ष्य” को तानसेन पाल्पामा लोकार्पण भएको छ ।

शिक्षा स्वास्थ्य तथा साहित्य प्रतिष्ठान पाल्पाको आयोजना साहित्यकार रोहित प्रसाद ज्ञवालीद्वारा लिखित गुलेली काव्य लक्ष्य लोकार्पण भएको हो । प्रमुख अतिथि गलेङ नगर प्रज्ञा प्रतिष्ठानका अध्यक्ष चण्डिका प्रसाद भट्टराईले, ” प्रनिष्ठानले निकै सराहनीय कार्यक्रम गर्दै आएको र नवीन कृतिको रूपमा गुलेली काव्य प्रकाशन भएकोमा नेपाली साहित्यमा थप योगदान पुगेको छ ” भनी लेखक र प्रतिष्ठानलाई शुभकामना दिनुभयो ।

कार्यक्रममा जिल्ला प्रशासन कार्यालय पाल्पाका प्रमुख जिल्ला अधिकारी तोयनारायण सुवेदी र पाल्पा साहित्य समाजका संरक्षक राजेन्द्र ग‍ोपाल सिंह विशिष्ट अतिथिद्वयले शुभकामना मन्तव्य दिनुका साथै राधेश्याम ज्ञवाली , मुक्ति न्यौपाने , डा.शंकर गैरे,युवराज पौडेल , बाबुराम कार्की द्वारा प्रतिष्ठान, लेखक र कृतिको सफलताका लागि शुभकामना मन्तव्यका साथै लेखक रोहित प्रसाद ज्ञवालीद्वारा लेखकीय मन्तव्य व्यक्त गरिएको थियो ।

त्रिपदीय लघुतम गुलेली काव्य सङ्ग्रह लक्ष्यको समष्टिगत समीक्षा शीत काव्य समाज नेपालको केन्द्रीय कोषाध्यक्ष साहित्यकार इन्दिरा ज्ञवाली पौड्यालद्वारा गरिएको थियो ।
प्रतिष्ठानका संस्थापक अध्यक्ष पुष्कर अथक रेग्मीको अध्यक्षता र सदस्य पुनराम घिमिरेको स्वागतमा भएको कार्यक्रमको संचालन प्रतिष्ठानका सचिव छबिलाल भुषालद्वारा गरिएको थियोे ।


सम्बन्धित शीर्षकहरु

गैरआवासीय नेपाली संघ कुवेतले यहि अगस्त ४ तारिक नवौं महाधिवेशन गर्ने भएको छ। एन आर एन ए केन्द्र नै फुटेर…

तितोपाटी -पाल्पामा क्रियाशील ७ राजनीतिक दलले सरकारलाई पत्र मार्फत ध्यानाकर्षण गराएका छन। जिल्ला प्रशासन कार्यालय पाल्पा मार्फत बढ्दो महंगी, भ्रस्टाचार…

कुवेत शहर, जुलाई ३१ एक ठूलो कारबाहीमा, कुवेतको आपराधिक सुरक्षा क्षेत्रले, जसको प्रतिनिधित्व सामान्य लागूऔषध नियन्त्रण विभाग ( GDDC )…

प्रतिकृयाहरू
...