द्धण्दात्मक भौतिकबादमा विश्वास गर्ने दर्शन शास्त्रमा आधारित कम्युनिष्ट सिद्धान्त र दर्शनले मन्दिर, मस्जिद, चर्च र गुम्वाको पाउमा झुक्दैन । अर्थात नास्तिकता कम्युष्टिहरुको धर्म हो ।
त्यसैले नेपालमा कम्युनिष्ट सोच र विचार फैलाउनेहरुले मानिसलाई आफ्ना मौलिक आस्था, परम्परा, धर्म र सँस्कृती सँग विमुख गराउने काम गरे अचम्म त के भने यसका लागि पुंजीवादी देश तथा त्यहाँ रहेका बाईबलका पुजारीहरुले उनीहरुलाई मद्दत गरे र अझै गरिरहेका छन ।
प्रचण्ड र ओलीहरु पनि तिन कै उत्पादन हुन । रिम नामको क्रान्तिकारी सस्था को मुख्यालय अमेरिकामा रहेने गरेको कुराले त्यहि कुरा पुष्टि गर्दछ । उनीहरु कुनै समय त्यही रिम को सदस्य राष्ट्र थिए । अहिले रिम ले एमाले र माओवादी को साथ छाडिदिएको छ । त्यस सस्थाले क्रान्तिका नाममा कम्युनिष्टहरुलाई धार्मिक रुपमा नपुन्सक बनाई दिन्छ । जब उनीहरु सुधारबादी कम्युनिष्टहरुमा कित्तामा रुपान्तरित हुन्छन अनि तिनका पछि आईएनजीओमा छिराएर डलर बाढ्न थाल्छ । रिम को काम कटटर कम्युनिष्ट बनाउने र आफ्नो पहिचानबाट अलग गराएर नपुंसक बनाई दिने हो भने विभिन्न खालका दातृ सँस्थाहरुको काम ती नपुंसक भएका कार्यकता लाई आईएनजीओ मार्फत पाल्ने र उनीहरुको अबरोध लाई रोक्दै बाईबल को निर्वाध प्रचार गर्ने रहेको देखिन्छ । फिलिपिन्स मा भएकै त्यही हो । त्यहाँ उनीहरुको मौलिक धर्म, सस्कृती, पहिचान केही पनि बाकी छैन ।
किन उसले त्यसो गर्दछ भने कटटर कम्युनिष्ट बने पछि उ नास्तिक हुन्छ र नास्तिकता फैलाउन थाल्छ । जब नास्तिकता बढछ त्यसपछि त्यो समाजको आधार भत्किन्छ, एकता खलबलिन्छ र त्यहाँ खेल्न सजिलो हुन्छ । रिम ले नास्तिकता फैलाउने एनजिओले सेवाको हात बढाएर बाईबलीहरु को संख्या बढाउदै लाने । रिम होस वा आईएनजिओ अन्ततोगोत्वा एउटै मिसनका दुई अलग अनुहार हुन । भारतको मनिपुर र गोवा अहिले भारतीय सँस्कृतीबाट अलग भईसक्नुमा पनि तिनै पश्चिमा शक्तिहरुको हात छ ।
होली वाईन पिउन र पिलाउन राज्य नै संलघ्न भएको घटना त्यसैको एउटा ज्वलन्त उदाहरण हो । नेपालमा कम्युनिष्टहरु पुरै विग्रिसकेका माक्सवादका पत्रु औजार भएका छन । अझ भन्न पर्दा यीनीहरु सवका सव नक्कली कम्युष्टि हुन । चरित्र र सँस्कार सवै गुमाई सकेका बलात्कारी कम्युनिष्ट नेताहरु मुछिए पनि तिनको दलले कुनै कारबाही माग गर्न सक्दैन त्यसले त्यही कुरा देखाउछ की नेतृत्व पुरै स्खलित र भ्रष्ट छ । त्यहाँ कुनै चर्चा नै हुदैन । भ्रष्टचार र कमिसनमा डुवेको छ तिनलाई कुनै कारबाही हुदैन ।
नेताहरु सवै क्रिश्चियनको डलर, युएस आईडी वा यस्तै अनेकौ गैर राजनैतिक अन्तराष्ट्रिय सँस्थाबाट पालित पोषित एजेन्टमा परिणत भईसकेका छन । उनीहरुकै सहयोगमा प्रत्यक्ष वा परोक्ष रुपमा नेपाली भूमिमा क्रिश्चियानिटीले आजाद भएर काम गरिरहेको छ । तिनलाई अनुकुल बातावरण बनाई दिने काम हाम्रै नेताहरुले गरिरहेका छन र त्यसबापत उनीहरुले डलर कमाई रहेका छन । तिनका कार्यकतालाई एनजिओले पालि रहेको छ । आफ्नो र देशको पहिचान भुलिसकेका उनीहरुले झोले नामको अलग पहिचान अंगाल्न थालेका छन । नेताहरुको अर्कमन्यताले नास्तिकता लादेर भाडिएको समाजमा रहेको व्याप्त गरिबीको फाईदा अर्कैले उठाई रहेको छ । त्यसैको परिणाम आज देशमा हजारौ चर्च ठडिए, लाखौ मानिस क्रिश्चियन बने ।
नाटक पनि कति जानेका छन नेताहरुले भने नेपालमा सनातनी आस्थाका करोडौ मानिसहरु पार्टीबाट टाढा नहुन भनेर कोही भैसी पुजा गर्दै हिडेका छन, कोही पशुपतिमा जलहारी हाल्दै गरेको देखिन्छन । डलर पनि पचाउने र जनताको समर्थन पनि जुटाउने यीनको दोहरो मापदण्डमा राजनिती जकडिएको छ । अझ हाँस्यास्पद र लज्जास्पद कुरा त के छ भने हिन्दु अधिराज्य नेपाल हाम्रो पहिचान हो भन्न नसक्नेहरु किन पुजा गर्छन ? किन बाउ आमाको क्रियामा बस्छन ? किन होमादी र यज्ञ गर्दै हिड्छन बुझिनसक्नु छ । विचारमा पनि स्खलन, सोचमा स्खलन, संस्कृतीमा स्खलन । यति नपुसंकतामा बाँच्नेहरु कसरी कम्युनिष्ट हुँ भन्छन भन्या ?
ठुला कम्युनिष्ट पार्टीहरु सिद्धान्तमा स्खलित झुण्ड बनेका छन भने साना भुरे टाकुरे चित्रे पार्टीहरु अझै पनि कम्युनिष्ट हुँ भन्ने देखाउन अमेरिकाको विरोध गर्दछन, भेनाजुएला को समर्थनमा नारा लगाउछन । ईरान र प्यालेस्टाईनको समर्थन गर्दछन ईजरायलको विरोध गर्दछन । दक्षिण कोरिया र जापानको विरोध गर्दछन उत्तर कोरिया र भियतनामको समर्थन गर्दछन । भारतको विरोध गर्दछन पाकिस्तान को समर्थन गर्दछन ।
तिनले समर्थन गर्ने देशहरुमा न त नेपाली युवाहरुले रोजगारी पाएका छन, नत ती देश ले नेपाल लाई सहयोग गरेका छन । तिनले सत्ता पाउने हो भने कस्तो विदेश निती तय गर्लान ? जनताको स्वार्थ र देशको स्वार्थ सँग गोरु बेचेको साईनो नभएका मुलुक तिनलाई प्यारो लाग्छ । यस्ता राजनैतिक दल भए सम्म र तिनका पछि मुर्दावाद र जिन्दावाद भन्ने कार्यकर्ता रहे सम्म देश बदनाम मात्र भईरहन्छ । साम्राज्यबाद र पुंजीवादको विरोध गर्न मात्र सिकाउने कस्तो अर्थशास्त्र पढदा हुन । आफ्नै नेताहरु सामन्त छन , आफ्नै नेताहरु तिनै पुंजीवादी देशका डलर मा पालिपोषित छन । विकेक र पहिचान गुमाएकाहरु ले लाग्ने पार्टी कम्युनिष्ट हो भन्ने की के भन्नु पर्ने हो कसैले भनिदिन परर्यो ।
-तोयानाथ उपेक्षित,
