सोल्टी ग्रुपको आयोजनामा कुवेतमा भव्य सोल्टी म्युजिकल इभेन्ट हुने भएको छ। हालका चर्चित गायक दुर्गेश थापा र लोकप्रिय गायिका अस्मिता अधिकारीसहित पाँचजना कलाकारले उक्त कार्यक्रममा साङ्गीतिक प्रस्तुती दिने भएका छन्।
सोल्टी ग्रुपका अनुसार, कार्यक्रममा दुर्गेश र अस्मिता बाहेक गायिका मिरा पोखरेल, गायक जितु लोप्चन र कृष्ण रिउलेको पनि सांगीतिक प्रस्तुती रहनेछ। सोल्टी म्युजिकल इभेन्ट आगामी जुन ७ तारिख, शुक्रबारका दिन कुवेतको जिलिबस्थित अस्पायर इण्डियन स्कुलमा हुने कार्यक्रम मध्यान्ह २ बजेबाट सुरु हुनेछ।
कार्यक्रमको तयारी तीव्र गतिमा भइरहेको सोल्टी ग्रुपका सदस्य विकास सिंह ठकुरीले जानकारी दिए। उनले कुवेतमा श्रमरत नेपालीहरूलाई मनोरञ्जन प्रदान गर्ने उद्देश्यले कार्यक्रम आयोजना गरिएको जनाए।
