Sunday 31st August 2025

लुम्बिनी वाङमय प्रतिष्ठान नेपालद्वारा पुष्कर अथक रेग्मी सम्मानित


ऐतिहासिक नाटक संग्रह ‘अमरपात्र’ का लेखक साहित्यकार पुष्कर अथक रेग्मी लुम्बिनी वाङमय प्रतिष्ठान नेपालद्वारा बुटवलमा सम्मानित भएका छन् ।
बुटवल उपमहानगरपालिकाको सहकार्यमा प्रतिष्ठानद्वारा आयोजित, नेपाली नाट्यप्रतिष्ठान पोखराद्वारा प्रकाश नाट्यविमर्श’ लोकार्पण विमर्श एवं सम्मान कार्यक्रममा अथकलाई ‘लुम्बिनी नाट्य रत्न सम्मान -२०८२’ द्वारा प्रमुख अतिथि लुम्बिनी प्रदेशका सभामुख माननीय तुलबहादुर घर्ती र लुम्बिनी वाङमय प्रतिष्ठान नेपालका अध्यक्ष ऋषि आजादद्वारा सम्मानित गरिएको हो । प्रतिष्ठानले अथक सहित लुम्बिनी प्रदेशका विभिन्न जिल्लाका एक दर्जन स्रष्टाहरूलाई समेत सम्मान गरेको छ ।

पुष्कर अथक रेग्मी पाल्पा साहित्य समाज, शिक्षा स्वास्थ्य तथा साहित्य प्रतिष्ठान नेपालका अध्यक्ष र शीत काव्य समाज नेपालका परिकल्पनाकार समेत हुन। उनी पा्ल्पामा बसी साहित्यिक अभियानहरू संचालन गर्दै आएका छन् । काव्य आख्यान निबन्ध र नाटक चारैवटा विधामा दुई दर्जनभन्दा बढी कृति प्रकाशित गरिसकेका अथकले ऐतिहासिक नाटक संग्रह ‘ अमरपात्र ‘ प्रकाशित गरिसकेका छन् । म‍ोफसलमा बसेर पाल्पाका राजा मणिमुकुन्द सेन, राजा पृथ्वीपालसेन, काजी अमरसिंह थापा र कर्णेल उजिरसिह थापाको जीवनीमा आधारित नाट्यकृति प्रकाशित गर्नु भएको र नेपाली नाट्यकृति प्रकाशनको क्रममा सहयोग पुराए बापत अथकलाई सम्मान गरिएको हो ।

कार्यक्रममा लोकार्पण गरिएको ग्रन्थ ‘ नेपाली नाट्यविमर्श ‘ चारखण्डमा संरचित छ । पहिलाे खण्डमा अनुसन्धान,दाेस्राे कार्यपत्र , तेस्राे वार्ता र चाैथाे परिशिष्ट खण्ड रहेको छ । ग्रन्थ नेपाली नाट्य वाङ्मयकाे ऐतिहासिक दस्तावेजको रूपमा रहने छ ।


सम्बन्धित शीर्षकहरु

प्रधानमन्त्री नरेन्द्र मोदी चीनको तियानजिनमा आयोजना भइरहेको सांघाई सहयोग संगठन (SCO) शिखर सम्मेलनका लागि आइपुगेका छन्। यस्तो अवस्थामा, विदेश मन्त्रालयले…

एउटा अभूतपूर्व अध्ययनले सुझाव दिन्छ कि मानिस सहित सबै जीवित प्राणीहरूले - दृश्य प्रकाशको हल्का चमक दिन्छन् जुन जीवन समाप्त…

नेपालका प्रधानमन्त्री केपी शर्मा ओलीले शनिबार चीनको तियानजिनमा चिनियाँ राष्ट्रपति सी जिनपिङसँगको द्विपक्षीय भेटवार्तामा लिपुलेक दर्रा हुँदै व्यापार मार्ग खोल्ने…

प्रतिकृयाहरू
...